影片
更多
2019-02-22
502 浏览
一早有朋友话想试呢间既Zesta下午茶,咁岩今日请左半日假去interview,另外2位姐妹又得闲,咁就唔好浪费左呢半日假,去嘉里酒店享受返个休闲下午茶啦。地点都算难去,所以我地一齐约埋系红磡搭的士过去,而大堂茶座就系酒店门口既右手边,因为佢楼底高,有大玻璃,所以成个感觉好开扬好光猛,好舒服。我地3个人就叫左3个人分量既tea set,一黎到满满既食物放左系四方型板上,已经好吸引,大家影完相之后就开始食啦。咸点有四款,比较特别好食既系伯爵茶腌海鳟鱼配柑橘蜂蜜同埋茶腌鹌鹑蛋沙律汉堡包配鱼子酱。海鳟鱼好肥美,而且食落新鲜,配埋柑橘蜂蜜就更清新,而汉堡包既鹌鹑蛋沙律就比较淡啲,但配埋上面既鱼子酱咸咸香香,就岩岩好。而甜点都有四款,比较好食既系70%朱古力红茶慕丝泡芙同埋伯爵茶柑橘挞配栗子忌廉。70%朱古力红茶慕丝泡芙既朱古力好香浓,泡芙一入口成个爆开都令人好满足,伯爵茶柑橘挞配栗子忌廉既栗子忌廉好幼滑,同埋栗子味,个挞都好脆,配合得几好。另外仲有两款松饼,原味同埋Zesta茶味,松饼好松软而又唔干,配埋奶油忌廉就岩岩好啦。总括黎讲呢度环境舒适,梳化位坐得舒服,偶尔系度叹返个下午茶真系好写意呀
地点都算难去,所以我地一齐约埋系红磡搭的士过去,而大堂茶座就系酒店门口既右手边,因为佢楼底高,有大玻璃,所以成个感觉好开扬好光猛,好舒服。
我地3个人就叫左3个人分量既tea set,一黎到满满既食物放左系四方型板上,已经好吸引,大家影完相之后就开始食啦。
咸点有四款,比较特别好食既系伯爵茶腌海鳟鱼配柑橘蜂蜜同埋茶腌鹌鹑蛋沙律汉堡包配鱼子酱。海鳟鱼好肥美,而且食落新鲜,配埋柑橘蜂蜜就更清新,而汉堡包既鹌鹑蛋沙律就比较淡啲,但配埋上面既鱼子酱咸咸香香,就岩岩好。
而甜点都有四款,比较好食既系70%朱古力红茶慕丝泡芙同埋伯爵茶柑橘挞配栗子忌廉。70%朱古力红茶慕丝泡芙既朱古力好香浓,泡芙一入口成个爆开都令人好满足,伯爵茶柑橘挞配栗子忌廉既栗子忌廉好幼滑,同埋栗子味,个挞都好脆,配合得几好。
另外仲有两款松饼,原味同埋Zesta茶味,松饼好松软而又唔干,配埋奶油忌廉就岩岩好啦。
总括黎讲呢度环境舒适,梳化位坐得舒服,偶尔系度叹返个下午茶真系好写意呀。
张贴
