香港郵意明信片航海主題咖啡廳 (已搬遷) 新店位置

今日放假，去左做文青。呢间以邮票，航海为主题既餐厅好有文化气息。间餐厅虽然好似好偏僻，但入到去真系另一个世界。邮票，明信片布满晒餐厅，仲有两只猫大佬睇住个场，好威猛。叫左个hi tea set黎食。好抵食，下层系三文鱼沙律。三文鱼好滑，新鲜既，口感弹牙，唔系烂晒个种。仲有个创意既烟肉黑松露饼干仔。呢个好味，饼干本身有阵香味，食既时候唔会好干，加埋烟肉既水份同咸甜味，成个饼干好好味，口感丰富。好多个蛋糕仔慢慢品尝，睇住只猫自由自在行黎行去，又有免费刊物慢慢睇，呢个星期二真系充满文青气息。芝士蛋糕系我最钟意既蛋糕，蛋糕口感细腻，唔会济。除左芝士，仲有阵淡淡既香味。整得唔错。最后再品尝靓靓既马卡龙。马卡龙整得松软，咬落中间松软，好似空气pancake既感觉。味道都好真实，唔会胶。几抵食，唔贵。食得好满足。仲要叹住热既杯玫瑰latte。拉花拉得靓，咖啡好滑。味道唔会甜，咖啡浓郁既味道系口度出晒黎，味甜既latte真系超啱我口味。玫瑰既淡香令咖啡更香，既特别既味道。呢个下午茶系最写意既一次。下次带女黎沟沟佢！