Outback Steakhouse (翡翠明珠廣場) (已結業)

一条友，晏画想食个写意的西餐， 又想揾个地方坐耐啲 ， 最好系一个人都唔会被赶走嘅 地方。 行行下刚好看到outback嘅招牌 ，就冲过去攞位啦。 餐厅门口已有小群人在等紧， 原来餐厅开12点 啱啱先 安排入座。好耐冇食，有啲选择困难症 。结果拣咗 未点过嘅 意大利香草牛肉三文治 ($108)。跟餐有汤同沙律 ， 餐汤味道可以， 分量偏少。同埋驰名的嘅黑糖麦包。黑麦包大概两三个人会分配两条， 当然 唔够食嘅可以再加 。我一个人呢，佢就畀一条黑麦包，配衬牛油 ，真系一绝， 吃不厌。主菜到了。呢个都几有惊喜 ，包面系涂上牛油烘过嘅 ，香香脆脆。包里面嘅牛肉份量多，好香 ，好有牛扒肉味 ，有啲似从一块靓扒砌出嚟嘅头头尾尾 。管他呢 ，最紧要好食，夹左已熔化的芝士，提升左整份三文治的口感同味道。碟上仲有薯条同酸菜。我几欣赏碟酸菜 能够消滞， 我食到最后更加用酸菜夹落个包到一齐食， 估唔到又几夹㖞。 就好似汉堡包里面嘅青瓜咁起到平衡作用。最后饮埋杯咖啡完成载丰富嘅一顿午餐，好满足。