影片
更多
2008-11-12
15 浏览
上星期日冇乜嘢做，好多时间周围行，我哋就决定再去呢间食过一次但系印象好好嘅意大利餐厅食个悠闲午餐，顺便喺西贡行吓街。去到都下昼两点几嘞，餐厅入面都有两枱客，不过就好静。呢间餐厅情调真系一流，全场用木色嘅装修，灯光亦好柔和，墙上面有好多花樽同雕塑做装饰；天花采用咗蓝色嘅壁灯设计，配上一把古色古香嘅吊扇，感觉优雅。成间餐厅分为两层，不过夜晚先会开埋楼上，烛光晚餐谈心倾计最啱！店主系一个好友善嘅外国人，成日同啲客倾计，上次就整咗杯 smoothie 比我哋饮，好热情！ 我哋都几肚饿，就问佢有咩推介，佢就介绍我哋试吓个汤，我哋就开始呢个悠闲午餐： Focaccia 意式香草面包配橄榄油黑醋及牛油：呢个系餐前小食，每枱都会有嘅，完全免费！面包质感唔算细密，但配埋油醋就几好味，亦可以搽牛油一样好食！ Spanish Seafood Soup 西班牙海鲜汤：既然店主推介，梗系要试！呢个汤 portion 都几大，两个人分享足够有余；上枱嘅时候卖相真系好靓， 差啲唔舍得饮添！汤嘅面头有啲香草，材料就有蓝青口、大虾、鱿鱼、蚬，当然唔少得大量甘荀同洋葱。试一啖，不得了！好浓烈嘅海鲜味，加埋蔬菜嘅天然甜味，
上星期日冇乜嘢做，好多时间周围行，我哋就决定再去呢间食过一次但系印象好好嘅意大利餐厅食个悠闲午餐，顺便喺西贡行吓街。去到都下昼两点几嘞，餐厅入面都有两枱客，不过就好静。呢间餐厅情调真系一流，全场用木色嘅装修，灯光亦好柔和，墙上面有好多花樽同雕塑做装饰；天花采用咗蓝色嘅壁灯设计，配上一把古色古香嘅吊扇，感觉优雅。成间餐厅分为两层，不过夜晚先会开埋楼上，烛光晚餐谈心倾计最啱！店主系一个好友善嘅外国人，成日同啲客倾计，上次就整咗杯 smoothie 比我哋饮，好热情！ 我哋都几肚饿，就问佢有咩推介，佢就介绍我哋试吓个汤，我哋就开始呢个悠闲午餐：
Focaccia 意式香草面包配橄榄油黑醋及牛油：呢个系餐前小食，每枱都会有嘅，完全免费！面包质感唔算细密，但配埋油醋就几好味，亦可以搽牛油一样好食！
Spanish Seafood Soup 西班牙海鲜汤：既然店主推介，梗系要试！呢个汤 portion 都几大，两个人分享足够有余；上枱嘅时候卖相真系好靓， 差啲唔舍得饮添！汤嘅面头有啲香草，材料就有蓝青口、大虾、鱿鱼、蚬，当然唔少得大量甘荀同洋葱。试一啖，不得了！好浓烈嘅海鲜味，加埋蔬菜嘅天然甜味，好得！大虾都几大只，肉质仍然好弹，好新鲜！青口同蚬嘅味道唔会因为用嚟整汤而淡咗；相反，汤嘅鲜味将佢嘅味道再一次提升！鱿鱼一样喺个口度扎扎跳，跟汤上嘅仲有两块香草烤饼，闻起嚟好香，点汤食唔错！饮完呢个汤已经觉得值回票价，更加期待之后上嘅食物！
Antipasti 特色拼盘：好丰富，有 Artichoke 雅枝竹、Salami 莎乐美肠、 Brie Cheese 布利芝士、White Button 白磨菇、Prama Ham 意式风干火腿、 虾，仲有啲生菜！雅枝竹可能系意大利菜入面最贵嘅蔬菜类，入口味道唔系太特别，可能我唔识欣赏啦！有啲似稔咗但系冇荀味嘅荀；莎乐味肠就肉味浓郁，芝士亦好香但食落唔太重味，磨菇好爽而且菇味浓；最好味梗系 Prama Ham 啦，唔会过咸啱啱好，同菜丝一齐食都好夹；虾细细只好弹牙，味道鲜美，砌成心型有心思！成个拼盘虽然好似好多油咁，但系都系橄榄油，侍应仲会好细心走埋嚟问你要唔要加少少黑椒粒，加咗仲好味，无得弹！
Caesar Salad 凯撒沙律：生菜新鲜爽脆，咬落去真系卟一声，菜入面嘅水份好饱满，好清新！面包粒大块啲但焗得又香又脆，芝士片系 Gorgonzola ，味道偏咸重，不过同菜一齐食就好好味，更可以讲系佢就带起晒成个沙律嘅美味添， 呢个沙律真系好得！
Margarita Pizza：有晚又系睇觅食天下话要试一间店嘅意大利 Pizza 好唔好食一定要试 Margarita，因为净系得茄酱同芝士，冇花款嘢，好唔好食一试就知！呢度嘅 Margarita 除咗茄酱同芝士外，面头仲有啲灯笼椒做装饰。Pizza 底好薄好脆，茄酱味啱啱好，而芝士就好香好浓，食咗半个一啲都唔会觉得腻滞，实在好好味！
食完呢个午餐我哋冇食甜品，因为下一站预咗系满记，不过上次食过佢啲甜品一样同佢其他嘅出品一样，细致精彩，味道卖相无一不美！呢间餐厅无论几远都好，始终系我食意大利菜嘅心水之选！
张贴
