影片
更多
2023-09-02
1436 浏览
近来热话就喺港人北上消费，小弟就比较少北上，反而喜欢晌香港郊区四周走走，今日就「东闯」过到嚟西贡探索一吓，最后，嚟到「WM Hotel」内以Sports & Grill为主题嘅餐厅「M Square」，食埋餐饭先打道回府。 由西贡码头沿海滨长廊行过嚟餐厅都好方便，仲可以欣赏下靓海景，感觉非常舒服。嚟嘅原因都喺环境，里面地方颇大，枱与枱嘅间隔又好阔落，加上超高楼底，所以，空间感好强，让人可以好好放松。 一室以白色为主调，再衬以木系家俱，无论梳化椅，抑或藤椅，都好舒服，加埋少少盆栽点缀，好有悠闲感。对海滨一边入口全喺落地玻璃窗，相信日头嚟，阳光射入室内，感觉更清爽。 此外，四面又设有大电视或投影，不断播放唔同嘅运动比赛，有英超就啱晒我啦。仲有就喺餐厅一角，设有张美式桌球枱、高尔夫球体验、枱上足球机、电玩游戏机……等等，故此，见到唔少喺亲子客，而食完饭又可以过嚟比试吓。餐具、餐纸、餐碟、白开水早早就放喺枱上，自由取用，唔使烦侍应咁多。 食物方面有好多选择，大大个餐牌列晒各大类别食物，如主打嘅烧烤类同薄饼，仲有一系列特色薯条、沙律、小食、意大利面、意大利饭、全日早餐……等等。 饮品方面选择亦多
由西贡码头沿海滨长廊行过嚟餐厅都好方便，仲可以欣赏下靓海景，感觉非常舒服。嚟嘅原因都喺环境，里面地方颇大，枱与枱嘅间隔又好阔落，加上超高楼底，所以，空间感好强，让人可以好好放松。
一室以白色为主调，再衬以木系家俱，无论梳化椅，抑或藤椅，都好舒服，加埋少少盆栽点缀，好有悠闲感。对海滨一边入口全喺落地玻璃窗，相信日头嚟，阳光射入室内，感觉更清爽。
此外，四面又设有大电视或投影，不断播放唔同嘅运动比赛，有英超就啱晒我啦。仲有就喺餐厅一角，设有张美式桌球枱、高尔夫球体验、枱上足球机、电玩游戏机……等等，故此，见到唔少喺亲子客，而食完饭又可以过嚟比试吓。
餐具、餐纸、餐碟、白开水早早就放喺枱上，自由取用，唔使烦侍应咁多。
食物方面有好多选择，大大个餐牌列晒各大类别食物，如主打嘅烧烤类同薄饼，仲有一系列特色薯条、沙律、小食、意大利面、意大利饭、全日早餐……等等。
饮品方面选择亦多，由一般啡茶、汽水，到奶昔、生啤、汽泡酒、红白餐酒、鸡尾酒……到多种烈酒，都一应俱全。
而深受女士喜爱嘅甜品，就有另一组餐牌，主要都喺啲窝夫同梳乎厘班戟，图文并茂，看上去甚为吸引。
Chocolate Milkshake $64、Strawberry Milkshake $64、Ginger Ale $32、Lion Rock (Draught) $78始终喺夏天，外间天气炎热，虽然坐咗晌度凉紧冷气，但加多杯冻饮就更加爽，先落单嗌啲饮品。表姨甥女同仔仔就拣咗好睇亦好饮嘅奶昔，佢老公就话叹番杯充满麦香又冰冻嘅生啤，小弟呢？Ginger Ale就啱我啲，姜味梳打入口清爽，啱晒衬啲浓味嘢食。
Buttermilk Chicken Salad $145除咗饮杯冻饮，先嚟个清新嘅沙律喺为今餐有个好开始，呢个沙律都几丰富，餐牌就已经详细写咗有烤鸡扒、牛油果、烟肉、温泉蛋、罗马生菜、蛋黄沙律酱 仲加埋少少酸香嘅车厘茄、烟韧嘅意式长条包。一大碗几个人共享就啱晒，首先喺啲沙律菜好新鲜，再将只温泉蛋笃烂捞匀所有食材，味道更加丰富，再者啲鸡扒粒烤得香口，为成个沙律锦上添花。
Black Truffle Cheese Chips $58啲细路特别钟意食薯条，所以，都特别嗌一款香浓惹味嘅黑松露芝士汁薯条，又黑松露，又芝士，基本上都无得输，加上薯条炸得脆口唔油腻，个细路一条接一条食到唔停口，搞到佢阿妈都要佢一啖沙律菜先再配给几条薯条过佢。
Black Truffle Cheese Chips
$58
19 浏览
0 赞好
0 留言
一来怕细路唔食得辣，二来睇嚟呢款手撕猪肉菠萝薄饼都几有特色，所以，其中一份主菜就拣佢。新鲜焗制热焫焫嘅薄饼送到，除咗手撕猪肉、菠萝之外，仲有紫洋葱及大量芝士，非常吸引。先讲过批底，边位带少少脆口，批身好软熟，口感却有点烟韧，虽然手撕猪肉比预期少，但配上菠萝、芝士，个味道都好唔错，大家都食得好滋味。
Smokey Baby Back Ribs $320另一款主菜，我哋就拣咗烟熏猪肋骨，见啲食评中亦有唔少人推介佢。全份嘅猪肋骨非常够份量，睇到沾满晒烧烤酱，并且伴有少少酸青瓜及
大量薯条同沙律菜，成为一道非常丰富嘅主菜。不得不赞，猪肋骨肉质好松化，轻易一咬就开，而且，有浓浓烟熏香味，酱汁调教得好好，一啖肉，又一嚿酸青瓜作间墙，调和一下浓味，所产生嘅化学反应更奇妙。
Smokey Baby Back Ribs
$320
25 浏览
0 赞好
0 留言
Tiramisu Pancake $139甜牌餐牌中嘅梳乎厘班戟都好吸引，搞到心大心细又想试试，既然大家都仲有位，就来一客共享一下。由我发板拣咗最心水嘅意大利芝士饼口味，两层厚厚嘅梳乎厘班戟，淋上自家制提拉米苏酱，撒上燕麦同松子仁，加埋啲鲜果做装饰，卖相绝对好吸晴，高打卡度。班戟入口劲松软，口感微微湿润，又富蛋香，单喺佐以啲提拉米苏酱，再倒上咖啡糖浆，已经好正。
Tiramisu Pancake
6 浏览
0 赞好
0 留言
无怪乎咁多客人都唔介意山长水远咁走入嚟食番餐，环境舒服写意，出品水准高，其实，配合埋西贡码头周边嘅景点，绝对喺好玩嘅本地一日行程。
张贴
