Crafty Cow (已結業)

每逢星期五，都好想揾间好一点的餐厅，食个好少少的午饭，所以离公司远小小的地方，放松一下心情。行吓行吓，被呢一间店的外墙所吸引，就唔觉意入咗去啦~入到店内，真系好清凉，跟店外简直是两个世界咁。门口旁边排了一柜啤酒瓶，伴著中间的 bar 枱，仲有一排木制的枱椅，跟店外形成截然不同的格调。我拿著餐牌看了看，职员以一口流利的英语推介了 Truffle Grilled Cheese & Tomato Soup，讲到好似好吸引咁，就不犹豫的点了试试看。端上枱的是厚厚的三文治和一碗蕃茄汤，三文治食落好香脆，而里面就有溶溶的芝士和松露，芝士食落好滑，好容易入口，加埋香到不得了的松露，真系食到停唔到。而碗蕃茄汤，唔算系好酸，但是超级浓，浓到好似一碗酱咁，职员提议可以把三文治点点后食，试过仲多咗一阵酸味味，好开胃。因为主菜是热食，食完都有少少热，所以饮番杯 Tonic Water 降温。正当我以为如此的格调，十居其九都系做外国人生意，点知原来职员系讲到一口流利的广东话，真系估唔到原来系咁国际化的。