Sole Coffee

营业中

休息中

元朗近期多咗好多间轻食cafe，其中呢间环境以白色为主，主打多款ADB、谷类包点等，饮品餐厅选择亦非常多。门外仲有开放座位，打卡或闲坐同样舒服写意。慢煮美国prime级下肩胛翼板肉三文治配粗直薯条($138)，肉食爱好者必点，食物送上枱时不禁哗一声，除左比想像中嘅份量多外，三文治嘅内馅好似涌出黎咁。薯条粗身大条，放耐咗先食，都keep住脆。面包带有香草味，微微烘过，边边位有少少烘脆口感，内层柔软，唔干。重点系，下肩胛翼板肉嘅口感好幼嫩，完全唔韧，完全好容易可以一啖食到包、肉、蕃茄、菜，perfect~~几乎枱枱客人都有点尼个菜。食物即叫即煮，热辣辣送上。all day breakfast($98)，尼款系中等级别嘅ADB，烤大啡菇多汁，烟肉脆口，薯饼同薯条一样都脆身，食到薯粒嘅口感。沙律菜嘅酱汁唔会落得太多，特别在于加入埋蓝莓。水波蛋好fluffy，外型好似cream，刺穿之后，蛋汁不断涌出，烹调时间拿捏得好。竹炭多士烘脆过，配搭蛋汁食唔错。black sesame latte($40)，拉花手艺唔错，黑芝麻味超浓郁，饮到磨成微微粒状嘅芝麻。饮到一半，建议拌一拌，因为好多芝麻沉咗去底。