柴灣東區醫院職員飯堂

营业中

休息中

今次写呢篇食评，我都觉得几特别，佢并唔系乜嘢打卡餐厅，冇乜必要我谂大家都唔想嚟，但系我觉得都有啲得意嘢可以值得讲下，话说今日陪朋友去医院睇病，医院好多人，等咗好耐，听讲话要排好多个钟，由于唔知要等到几时，于是期间就去咗医院嘅餐厅食饭，医院嘅餐厅，价钱当然系大众化啦，工作人员仲有好大嘅折头添，访客嚟讲都唔贵同快餐店价钱差唔多。今次嗌咗一个四宝饭，同埋一个蜜桃素鸡饭，烧味做得中规中矩啦，蜜桃素鸡都几惹味，几好食嘅，不过可能人太手唔够嘅关系，等嘅时间有啲耐，饭亦都有生米，整体感觉比一般快餐店争少少，不过佢最好嘅系，每样食物旁边都会写住几多卡路里，如果注重健康，又或者要减肥嘅朋友就啱晒啦。