貝爾特酒廊 (裝修中)

2年前我已经去过呢间酒店餐厅，但只系for drink. 当时已经好钟意佢够宁静，可以慢慢叹，不受骚扰。而且酒精类价钱相比新墟啲bar,其实一啲都唔贵。由于疫情关系，依家餐厅sofa位都唔开放俾人坐，波枱都唔开放俾人玩。我同朋友平日3点零去，都系得2枱客，对我黎讲，梗系觉得爽，最好俾我慢慢坐。由于少人，所以waiter都得1，2个，所以order需要少少耐性。menu有咩食？外卖自取个list已经齐哂，我就叫左鲈鱼并大虾，而朋友就叫左burger， 上菜唔算快，但就非常好同时一齐上，唔使其中一个食住等。鲈鱼嫩滑，无雪味，但大虾就得一只，物以罕为贵呀～而朋友个burger都几吸引，食左一啖，几肉质juicy。夜晚我仲要order左份鳗鱼炒饭做外卖，份量岩岩好，而且仲好好味。外卖仲要7折总括，虽然酒店餐厅少人去食，但食物质素都算唔错。屯门想避开啲人，但想系巿中心附近食嘢坐得舒舒服服，可以一试。