板上 (中海日升中心) (已結業)

社蓄生活继续，所以观塘揾食之旅亦都继续！好在呢边餐厅真系唔少，今次就行多几步，嚟到呢间板上揾下食先！入到嚟感觉真系几好，平时观塘食咩都人山人海背贴背，难得呢度几宽敞，枱櫈都唔逼夹！一睇之下，仲有几多特色嘢饮可以叫，印象已经唔错。见个名几有趣，所以叫咗个山贼酱烧熏蹄，同埋一个洋葱花！个饭份量唔算好大，啱晒女士们食，但系熏蹄就真系好足料！铺满晒直情见唔到个饭，可以话系食极都有！个酱都系重点，几香口，甜甜哋几开胃，值得一试。同埋佢都有啲菜菜一齐上，又有粟米伴碟，口感层次都丰富架！至于洋葱花就系大家好熟悉嘅欧美式炸洋葱，一层层几靓！佢个沙律酱味道好好，夹埋炸洋葱食一流！食唔停口！不过有少少美中不足系油咗少少，不过炸嘢系有少少难避免喇。饮嘢叫咗生姜蜜，都几真材实料，应该系用韩式一樽𠮶啲开，有晒姜喺底。其实最想试系巨蜂乳酸梳打，但系今日冻冰冰想饮热嘢，下次一定试！