十二味 (謝斐道)

营业中

休息中

又係口痕好想食酸菜魚，今次搵到呢間係銅鑼灣同灣仔之間嘅餐廳。裝修同環境感覺都好似內地嘅餐廳，而且落單都係用手機落。咁就一於試吓係咪好似內地酸菜魚咁正宗😆四個人叫左一個人見人愛酸菜魚$228，不過佢唔包粉條，要另外加$28。本身嗌左一份但係黎到份量唔算多，而且我地四個都係粉條愛好者所以加多左一份。整體味道同內地相似，不過唔夠辣，價錢貴左但份量又唔及內地多。另外叫左幾個小菜質素都係一般正常。我地另外叫左桂花冰釀，$28杯但係好細杯🥲銅鑼灣都幾多食酸菜魚嘅地方，如果係同朋友食飯傾偈，以份量同環境黎講我覺得可以再試下其他選擇，希望價錢或者份量可以調整下。