阿三大牌檔

营业中

休息中

寻晚得闲又入太和揾朋友仔食饭, 朋友仔带我去左佢经常食嘅呢间大排档, 佢话除左呢度嘅小炒有好多选择, 餐厅内近门口嘅位置仲间左一个区域, 可以食客俾带埋宠物一齐黎用餐, 佢都成日带埋狗仔嚟, 对宠物友善嘅中式餐厅确实比较好少见👍🥢蜜饯鳝球 $168呢道鳝球系朋友仔极力推荐, 鳝肉已起到冇晒骨, 厚切非常肥美,  口感好弹牙，蜜饯甜甜地带有少少黑椒味, 坚好食!🥢梅菜扣肉 $128扣肉唔会好肥腻, 呢度冇芋头底转左白菜仔底, 冇左传统食落好漏嘅感觉, 我个人觉得咁都几好!🥢云耳百合炒胜瓜 $98健康D清清地炒多个菜, 胜瓜加埋爽口嘅云耳百合,  味道都唔错！总结：有大排档风味，但比大排档座位舒适。除左有宠物友善区，里面仲有好多卡位同大枱，一家人嚟食都唔惊坐好迫。