Route 99 (已結業)

呢间餐厅真系好特别，狗都可以坐入餐厅入边同主人一齐食嘢，一齐叹冷气，一齐打卡，超适合大宠物嘅人士。餐厅间开两部份，一部份系比冇宠物嘅人，大概有七张大枱，而餐厅嘅另一边俾有宠物嘅人，𠮶边枱较多，装修嘅花更多心思，完全系比宠物打卡。食物方面，系好典型嘅美食餐厅，先讲吓个burger，$148 for 个正常味道嘅汉堡包真心唔抵，牛肉冇肉汁流出来，薯条嘅质素同一般快餐店完全冇分别。个虾意粉，嚟嘅时候真系俾佢吓一跳，个卖相真系好特别，好绿，但系个味道OK嘅，仲有少少辣，只系个样有啲怪。另外个烤鸡，D肉质唔错嘅，都算入味，而且跟好多蔬菜，感觉都好健康👍🏻