影片
更多
2019-08-22
281 浏览
虽然系大热天时但都无阻我打边炉嘅兴致🍲，之前见朋友喺IG post过劲有中国风嘅餐厅原来就系码头故事，网上睇完menu又觉得都唔算贵，所以就一于试下，好彩有订位，估唔到星期四晚都咁爆场。我哋虽然两个人，但都好好彩有张四人台，咁我哋就可以叫多啲嘢食喇哈哈🤣。首先嗌咗个汤底先，牛油鸳鸯锅($138)，即系一边系辣🌶嘅牛油红锅加一边自选汤底，问店员有无推介，佢话大骨百味汤锅同蕃茄汤都好食，最终决定要前者🐷🦴。个锅底好快就上喇，四四方方劲大劲深，两边各有一个细兜方便渌啲细件嘢，一边深红色有好多辣椒八角胡椒等等，望见已经觉得🥵哈哈，另一边就系奶白色嘅猪骨汤。闻唔到香唔香，因为一入餐厅已经充满住好引人肚饿嘅麻辣火锅嘅汤底味😂。店员见我哋未落调味，就好详细咁介绍台面有啲乜酱料，佢话食牛油辣锅最好就系落果个罐仔装嘅芝麻香油碟(连茶位，每人$20)，因为可以解辣会食落舒服啲，个油食落无咸味，但就好浓麻油香😍。我再加咗啲醋落麻油调味，好似食海蜇𠮶啲汁哈哈，但真系救咗我好多，因为个辣对于我嚟讲真系太辣了，不过渌完辣锅再点麻油中和返就ok👌。但始终辣锅都系唔啱我，所以我主要食猪骨锅，而佢嘅猪骨锅系好出色，好香
牛油鸳鸯锅
$138
22 浏览
0 赞好
0 留言
我哋虽然两个人，但都好好彩有张四人台，咁我哋就可以叫多啲嘢食喇哈哈🤣。首先嗌咗个汤底先，牛油鸳鸯锅($138)，即系一边系辣🌶嘅牛油红锅加一边自选汤底，问店员有无推介，佢话大骨百味汤锅同蕃茄汤都好食，最终决定要前者🐷🦴。个锅底好快就上喇，四四方方劲大劲深，两边各有一个细兜方便渌啲细件嘢，一边深红色有好多辣椒八角胡椒等等，望见已经觉得🥵哈哈，另一边就系奶白色嘅猪骨汤。闻唔到香唔香，因为一入餐厅已经充满住好引人肚饿嘅麻辣火锅嘅汤底味😂。
店员见我哋未落调味，就好详细咁介绍台面有啲乜酱料，佢话食牛油辣锅最好就系落果个罐仔装嘅芝麻香油碟(连茶位，每人$20)，因为可以解辣会食落舒服啲，个油食落无咸味，但就好浓麻油香😍。我再加咗啲醋落麻油调味，好似食海蜇𠮶啲汁哈哈，但真系救咗我好多，因为个辣对于我嚟讲真系太辣了，不过渌完辣锅再点麻油中和返就ok👌。但始终辣锅都系唔啱我，所以我主要食猪骨锅，而佢嘅猪骨锅系好出色，好香浓，一啲都唔味精，我专登剩饮咗几啖🤤。但如果食完辣先食，就会变到无味，所以建议饮啖茶散返味先再食，同埋尽量分开筷子🥢渌两边，唔好混浊个猪骨汤哦。
到火锅配料喇，有好多选择花多眼乱，我哋两个女仔叫咗好多嘢食，眼阔肚窄。如果多啲人嚟食会好啲，因为佢每样嘢份量都唔细，少人食就食唔多咁多种类🥺。btw佢张餐纸有提示每样嘢要渌几耐✌️。
安格斯肥牛
$138
16 浏览
0 赞好
0 留言
第一样系安格斯肥牛🐂($138)，谂咗阵要呢样好定一米肥牛好(个碟劲长好有霸气)，但见安格斯牛嘅造型靓啲，同埋牛肉好似无咁肥就叫咗。果然无令我失望，雪花纹好靓，油脂分布好均匀，每人食到好多块，而且每块够大够厚，唔会有唔够喉嘅感觉👍🏻。
竹筒墨鱼滑
$98
17 浏览
0 赞好
0 留言
第二样叫咗竹筒墨鱼滑🦑($98)，个篮底有好多冰作保温，上面就插住三支竹筒墨鱼滑，自己再用匙羹刮落去，每支大概刮到四至五粒，份量十足。味道富有鲜味，但个人认为如果弹牙少少会更正。
手工青笋片
$48
19 浏览
1 赞好
0 留言
第三样系手工青笋片🎋($48)，青笋系我至爱😍。估唔到个造型劲精美，每片卷起咗再加埋啲红枣点缀形成一个中式花形图案。不过略嫌薄咗少少，渌落汤底索完汤都仲食到好清甜，但记住唔好渌太耐，如果唔系会无咁爽无咁好口感。
西洋菜手工饺子
$68
18 浏览
0 赞好
0 留言
第四样系西洋菜手工饺子🥟($68)，八只整整齐齐放喺木盒到。西洋菜饺真系比较少见，我好钟意阵味，而一咬落呢只饺我就食到满满嘅西洋菜，非常正；另外个皮嘅厚薄亦啱啱好。
脆炸鱼皮
$48
24 浏览
0 赞好
0 留言
第五样系脆炸鱼皮🐟($48)，朋友想食所以嗌咗，本身自己一般。但呢到嘅鱼皮令我完全改观，因为系餐厅即炸㗎，同平日嘅包装鱼片简直有天渊之别❗️❗️❗️上碟时仲有微温，而且劲松脆，丁点硬都无，轻轻啅一啅汤，食到停唔到口。超级推介！
养生黑豆花
$58
18 浏览
0 赞好
0 留言
第六样系养生黑豆花🌷($58)，即系蜂巢豆腐，大约有九嚿，打边炉一流，可以索哂汤啲精华，但如果索辣汤的话就真系要小心会被辣亲哈哈。不过呢样相对地无咁特别，比较大路。
鲜红薯粉
$38
23 浏览
0 赞好
0 留言
第七样系鲜红薯粉($38)，非常粗身，滑得嚟又够烟韧，不过好难夹😂😂，手残嘅我条条都要朋友帮手。呢样亦系索汤之选。
红糖冰粉
$20
22 浏览
0 赞好
0 留言
最后一样就唔系火锅配料而系小食甜品，红糖冰粉($20)。我一开始就落咗单，以为系甜品会后上，但好快就同啲配料一齐上，唔知系咪俾啲人一路食麻辣火锅一路解辣😂😂。我就当佢系餐后甜品，冰粉本身系啫喱状就无乜味，但配埋啲糖水就唔同哂，糖水唔系得个甜字，有少少酸酸哋，因为有山渣，同埋又有啲其他配料如菠萝、枣类等等，几夹几好味，而且只系廿蚊好抵食🤩。
总括嚟讲，我哋食咗好多嘢，唔明点解咁大食，但又真系食得哂🤰。餐厅质素令人满意，就算好多客但店员嘅服务都好好，好有礼貌好友善😊，又会推介有乜好食。由于有茶费，每枱会有一壶茶，系麦茶嚟，几正，可以自己添茶，唔使烦店员。汤底同食物都好味，而且份量够，如果有啲食物可以叫半份就更好了，咁样可以食更多。每样食物单价其实唔算贵，但嗌下嗌下又唔系好平，不过见到openrice原来可以买半价coupon或订枱app有优惠，咁就好抵👍🏻。环境方面，中式装修几靓啱哂打卡，亦够阔落够位放哂咁多碟嘢，但抽气散味就一般，喺餐厅唔觉因为够冷气同成场充斥住阵边炉味，但一出餐厅就好觉🙈，不过餐厅都好贴心俾个篮你装袋同个人物品，记得放入去哦，我就唔记得咗😅😅。五星⭐️推介呢间尖沙咀特色火锅店。
张贴
