影片
更多
2024-08-07
534 浏览
其实好少喺香港打边炉，因为有时候就算俾到价钱，嘢食都未必好食，而家个个都上深圳打边炉，香港嘅火锅店要立足，真系要喺各方面都努力先至可以做得好。年几前去过宝宝火锅，当晚都是座无虚席，上个月有一晚喺太子食饭，想打边炉谂起月同呢间餐厅，咁不如去支持吓，月就成日去食，于是选择了宝宝，打去订位老板好快就覆咗有位。当晚去到只系得三张枱有客，其实都真系几担心，因为呢间餐厅价钱水准服务都好平均，唔够胆讲系超级好食，至少你食完唔觉得跌钱同埋啲员工嘅服务真系非常非常之好。点左个新疆蕃茄浓汤底，老板话呢个系全新汤底，先饮一口汤，个蕃茄味道非常浓烈，至于同新疆有咩关系，老板话系商业秘密，讲到咁我就唔再追问，好食就得。新推出嘅走地鸡都几好，好少就咁叫鸡，老板力推就试吓。每次都会叫牛，今次选择招牌顶级雪花牛颈脊，配蕃茄汤底系一流。食食吓撞到朋友，佢话个上等药材醉鸡锅好正，试饮咗一口都真系几好。老板话今日嘅鱼肚非常新鲜，整左碟试下，感觉都唔错，呢个系秘密Menu，有兴趣下次可以问吓老板有咩新鲜食材。当日靓嘅海鲜仲有贵妃蚌，价钱都唔算贵，你知好多时新鲜海鲜都锯到你一颈血。其他配料例如韭菜饺，鲮鱼球丸，牛丸同墨鱼丸都好
其实好少喺香港打边炉，因为有时候就算俾到价钱，嘢食都未必好食，而家个个都上深圳打边炉，香港嘅火锅店要立足，真系要喺各方面都努力先至可以做得好。
年几前去过宝宝火锅，当晚都是座无虚席，上个月有一晚喺太子食饭，想打边炉谂起月同呢间餐厅，咁不如去支持吓，月就成日去食，于是选择了宝宝，打去订位老板好快就覆咗有位。
当晚去到只系得三张枱有客，其实都真系几担心，因为呢间餐厅价钱水准服务都好平均，唔够胆讲系超级好食，至少你食完唔觉得跌钱同埋啲员工嘅服务真系非常非常之好。
点左个新疆蕃茄浓汤底，老板话呢个系全新汤底，先饮一口汤，个蕃茄味道非常浓烈，至于同新疆有咩关系，老板话系商业秘密，讲到咁我就唔再追问，好食就得。
新推出嘅走地鸡都几好，好少就咁叫鸡，老板力推就试吓。
每次都会叫牛，今次选择招牌顶级雪花牛颈脊，配蕃茄汤底系一流。
食食吓撞到朋友，佢话个上等药材醉鸡锅好正，试饮咗一口都真系几好。
老板话今日嘅鱼肚非常新鲜，整左碟试下，感觉都唔错，呢个系秘密Menu，有兴趣下次可以问吓老板有咩新鲜食材。
当日靓嘅海鲜仲有贵妃蚌，价钱都唔算贵，你知好多时新鲜海鲜都锯到你一颈血。
其他配料例如韭菜饺，鲮鱼球丸，牛丸同墨鱼丸都好精彩，点解我好喜欢呢间餐厅嘅原因，就系价钱公道，而且大部份嘅食材选料都几好。
希望喺呢个更艰难嘅环境，老板同呢度嘅员工继续努力。
宝宝鸡煲
地址: 太子砵兰街430号利联大厦地舖
电话: 23922968
张贴
