寶寶雞煲 (已搬遷) 新店位置

宝宝鸡煲-高质靓料香港人爱打边炉众所皆知，火锅店开到成巷成市，不论季节天气总系门庭若市，要数近期最爱打边炉热点一定非「宝宝鸡煲」莫属。🐻宝宝奇味鸡煲（干煲）半只走地新鲜鸡 $168汤底种类都几多，而鸡只方面更分冰鲜鸡同走地新鲜鸡供客人选择，一向都钟意食干煲嘅我就拣咗宝宝奇味鸡煲半只新鲜走地鸡微辣，新鲜鸡配上大量洋葱、青椒、芫荽，令鸡煲更香气四溢，新鲜走地鸡肉质较有质感，每件鸡都好惹味。🐻手切新鲜牛肉（半碟）$108十级推荐俾钟意食牛既朋友，牛肉劲新鲜，亦好重牛肉味，轻轻一滚就可以食，入口即溶。🐻黑毛猪（猪面青）$65猪颈肉厚切粗条，厨房事先加入调味料腌制过，入口爽滑弹牙唔嚡口。🐻手打墨鱼滑 $78充满鲜味浓郁既墨鱼味，口感弹牙，食得出用料新鲜。🐻汕头牛筋丸（一份）$20牛筋丸𥚃面有一d嫩筋，口感有嚼劲，爽脆弹牙之余亦不失牛味，好后悔净系叫咗一份。🐻冰豆腐（一份）$12打边炉临近尾声紧系要order一份冰豆腐，吸晒煲里面既精华，大啖一咬即时爆汁。🐻大龙凤可乐 $36柠檬片加上咸柠檬，酸酸咸咸，打完边炉饮返杯，即时消腻减滞。