OK德海南雞專門店 (新都城中心) (已結業)

今日放工同friend去宝林做gym之后饿饿地就系附近揾到呢间ok德海南鸡专门店就谂住入去试下 一入去见到餐厅都几大下 装修设计都好靓 比人一种好舒服既感觉 待应都好好礼貌招呼我地入去坐 menu入面都有好多食物 但我地紧系试下佢地招牌海南鸡饭 即使入面都几多人下 但由落单到上饭都只系几分钟到 速度同效率都几好 而且个油饭仲系新鲜出紧烟既 食落入好香亦唔似其他餐厅咁油腻 而主菜既鸡去骨亦都去得好好 份量好多 食落啖啖肉 佢地仲提供三种唔同既酱汁 当中酸辣汁最好食 酱汁既份量亦都够我地点晒所有鸡肉黎食 餐厅提供既质素绝对配得上佢地既价钱 下次经过都会再食多次