吃茶三千 (已結業)

今日落雨湿湿，都系行屋企附近商场，见到呢间饮品店，就忍唔住想买黎饮下。铺头好多唔同配搭太多唔同选择，不过都有啲热卖嘅配搭，我哋拣左水仙桂花蜜加纤玉菓子同埋决明乌龙奶盖。水仙桂花蜜加纤玉菓子感觉好fresh，而且纤玉菓子好Q弹，水仙味好香，男朋友中意饮茶香味重啲嘅饮品，呢一杯真系好岩，而且当中仲有啲蜜糖味，好好饮。决明乌龙奶盖决明子相对上就比较重口味少少，不过茶味好浓，加上奶盖好有特色，饮落每一啖都好厚实，好满足。加上铺头好特别嘅麻绳手提设计，打卡同环保感一流。