唐記包點 (港鐵寶琳站)

营业中

休息中

为咗悭钱，呢几年来一直喺唐记既常客，唔单止价钱平，食物真系有质素，仲好过食其他快餐。　呢日夜晚想简简单单食餐饭，就嚟左宝琳店。原来依家有香滑奶茶，$12细细樽唔算平，不过一于试吓。一见到呢个套餐，谂都无谂就买咗，呢个份量足够两个人分享。次次帮衬唐记都系食包，第一次买蒸饭，本来以为个肉饼会好油同好咸，但又唔系㖞，调味好似家常菜咁，完全唔觉有味精，个肉饼都好好，啖啖肉，如果肉搞得冇咁碎，多啲肉嘅口感会更加好。烧卖肉质都好弹牙，依家好大粒，系屋企煮啲菜加几粒烧卖，咁又一餐。第二朝整返热个包嚟食，终于等到我最期待嘅黑麻蓉包啦，一直都好想试，果然有惊喜！黑芝麻加入椰丝，口感丰富仲好香口，而且甜度适中，非常好食！再整多个番薯包，呢款系经典，每次食都咁满足，软绵绵嘅番薯蓉好香口，一朝早有咁嘅早餐感觉好幸福。