咖啡灣 (已結業)

喺自己屋企附近D餐厅食到闷,要跨区去其他地方试下新菜式。最近去过坑口,今日再搭多一个站嚟咗宝琳揾食。间舖嘅装修主要系用咗粉蓝色同埋白色嘅设计,还用左境嘅效果整出一种高贵舒适嘅感觉。黑板上介绍餐厅的食品,手写又有画图,好有诚意。 橙柳桂花鸡翼 $58初时有啲唔惯因为佢系甜嘅,但系个 鸡翼边炸得好脆㖞! 橙柳加咗桂花味好清甜。 拉丝芝士龙虾汁海鲜饭 $118芝士真系拉到丝,龙虾汁捞埋啲珍珠饭好惹味,各款海鲜:青口、 大虾和蚬肉都好新鲜。 食完呢碟之后,再食返个桂花鸡翼,一咸一甜,觉得好夹。 爱心窝夫 $98窝夫专登整到唔系好甜,配合佢上面一啲topping如棉花糖粒/星星粒/士多啤梨/香蕉/雪糕都有甜味,配任何1样同窝夫一齐食就觉得个味啱啱好,士多啤梨雪糕好多果肉。绿茶鲜奶 $36三眼仔拉花真系拉得好靓,好吸睛 绿茶味道好浓郁,又有啲玫瑰嘅优香。 饮咗四分之一都唔舍得整花个三眼仔图案。食饱后仲撞到熟朋友,佢仲问返我哋有咩好食, 梗系即刻叫佢试下咖啡湾啦 。