檀島咖啡餅店 (已結業)

舊時喺灣仔返工都有幫襯嗰間壇島，因此今日午間經過見到佢有燒臘就心血來潮去幫襯一下。我突然好想食四寶飯，但佢哋話要$35兼無嘢飲跟，足足貴灣仔一倍。於是我再望吓餐牌，發現大部份嘢都要卅幾四十，於是仍然都係叫四寶行街，唯有安慰自己中環啲租咁貴無辦法。佢哋嘅四寶有燒肉、叉燒、紅腸同鹹蛋，四樣都算唔差，其中以燒肉最好。滿滿一盒，食咗八成已經飽，但始終都係懷念灣仔嘅四寶飯，不但有超過四種餸，仲要有例湯送才盛惠$18。下次都買蛋撻算喇！