Elixir (已結業)

充满期待嘅心情去试试佢哋嘅咖啡，睇吓系唔系好似饮食网站介绍佢哋咁讲，话手冲咖啡系一个疗愈，需要心机同耐性先可以冲到一杯好嘅咖啡。可惜，事实上，佢哋完全真系得个讲字！一入到舖头，想试试佢哋所谓出名嘅手冲咖啡，之后问男咖啡师有咩咖啡豆选择，佢指一指身边𠮶几个盒豆叫我自己睇！由此可见，佢同其他好有热诚嘅咖啡师差天共地！你唔介绍唔紧要，咁我自己睇啰！之后嗌左杯手冲咖啡，佢冲完之后，见佢试饮咗一啖，之后佢就将个Server同一只杯放喺个counter 上面，一句声都唔出，好彩我一直有留意住佢嘅动作，否则都唔知道杯咖啡系唔系我嘅！攞到返埋位，闻一闻，完全亳冇香气，可以话系冇味道，再试一啖，苦涩同唔应该有嘅坏酸味出晒嚟，好明显杯咖啡系好有问题！最后我饮咗几啖，已经觉得个胃好唔舒服，所以冇再饮落去！跟住我将只杯同Server攞返去counter度，𠮶咖啡师望到成杯咖啡冇乜点饮过，仍然一副爱理不理嘅态度！由此可见，睇得出佢哋完全系唔会重视咖啡同客人嘅感受！我深信做得一个咖啡师，你对咖啡嘅评价会有一定认识，你有试过，仍然坚持将呢啲咁差嘅咖啡比客饮，可以睇得出你到底有几专业！唔好话疗愈，简直系摧毁客人嘅心情