鮨心 (已搬遷) 新店位置

约咗旧同事放工聚旧，为方便大家返屋企，决定喺旺角食。同事提议试下e间楼上日本餐厅。地点超方便，一出旺角地铁站就到。餐厅喺1/F，店内环境布置同餐具都好和式，劲有日本feel。因为订咗位，唔驶等，我地被安排坐bar枱位。两个女仔叫咗4样嘢：厚烧玉子、盐烧牛舌、盐烧鸡翼、杂锦天妇罗稻庭乌冬。样样都卖相精致，味道唔错，有水准，但因为份量比较细，唔系好够饱，于是再叫埋味淋鸡泡鱼干+陶板烧金菇牛肉卷。同事话鸡泡鱼干系佢最爱，连家中2岁👶都钟意，食亲日本菜一定会叫，我就未食过，既然咁推介，好啦，我即管试下，又真系口感一流，yum yum😋 。个牛肉卷好juicy，酱汁几正。总括嚟讲，食物质素同味道唔错，价格就偏贵咗d，招呼就可以殷勤多一啲啰，不竟系高级餐厅嘛。唔食鱼生嘅我，发现日本菜都有好多熟嘅美食，以后聚会又多个选择啦。