影片
更多
2022-12-07
2038 浏览
📌 Lockeroom Dining (誉发广场) - 旺角弥敦道558-560号誉发广场8楼🗓(7/12) 星期三 ⏰ 下午7点左右 💈特式：最近世界杯热潮席卷各地，无论你支持那一个国家队，都会离不开大家热爱足球嘅心，同埋值得尊敬嘅𠮶份体育精神，所以我今日就同大家揾左间足球主题嘅餐厅，大家一齐融入世界杯嘅氛围之中啦，ole ole ole ole......🥩🍔🌭🌮🥗🥯🥘🍲🍝🍣🥟🍤🍱食物：今日系晚市时间去帮衬，见到menu都有好多款dinner set可供选择，由最平$168去到$328都有，当中包埋沙律/餐汤/餐包/餐饮，任君选择，等我同大家讲下足球味道先。沙律/餐汤/餐包 - 沙律好新鲜，配料每日都会唔同，今次就有沙律菜/青苹果/西芹/合桃，配埋提供嘅意大利黑醋，感觉好fresh。餐汤都系会每日唔同，今日就系甘笋浓汤，好香滑，亦有浓郁甘笋味。餐包今日就系蒜蓉多士，上枱热辣辣，好香蒜蓉味，沾埋甘笋汤好夹，仲好味。烧谷饲牛肋排配蜜糖烧汁 - 上枱份量都好大碟，牛肋排都几重肉味，肉质亦都做得好淋，就连骨边个d筋膜位都好容易咬得开，配菜就有咸蛋黄炸薯角，炸薯角上枱时仲热到辣嘴，咸蛋
🗓(7/12) 星期三 ⏰ 下午7点左右
💈特式：最近世界杯热潮席卷各地，无论你支持那一个国家队，都会离不开大家热爱足球嘅心，同埋值得尊敬嘅𠮶份体育精神，所以我今日就同大家揾左间足球主题嘅餐厅，大家一齐融入世界杯嘅氛围之中啦，ole ole ole ole......
🥩🍔🌭🌮🥗🥯🥘🍲🍝🍣🥟🍤🍱
食物：今日系晚市时间去帮衬，见到menu都有好多款dinner set可供选择，由最平$168去到$328都有，当中包埋沙律/餐汤/餐包/餐饮，任君选择，等我同大家讲下足球味道先。
沙律/餐汤/餐包 - 沙律好新鲜，配料每日都会唔同，今次就有沙律菜/青苹果/西芹/合桃，配埋提供嘅意大利黑醋，感觉好fresh。餐汤都系会每日唔同，今日就系甘笋浓汤，好香滑，亦有浓郁甘笋味。餐包今日就系蒜蓉多士，上枱热辣辣，好香蒜蓉味，沾埋甘笋汤好夹，仲好味。
烧谷饲牛肋排配蜜糖烧汁 - 上枱份量都好大碟，牛肋排都几重肉味，肉质亦都做得好淋，就连骨边个d筋膜位都好容易咬得开，配菜就有咸蛋黄炸薯角，炸薯角上枱时仲热到辣嘴，咸蛋黄味好重好香，入口仲会食到一粒粒咸蛋碎，个蜜糖烧汁亦都做得好好，蜜糖同烧汁两个味道都食得出，唔会比某一方抢晒d味。
香煎三文鱼柳配烧蚝忌廉汁 - 三文鱼柳好厚身，亦煎得好香，d皮煎到脆卜卜，三文鱼味好浓好浓，虽然佢已经有配左一个好浓郁嘅蚝酱，但配埋一齐都无掩盖到个阵三文鱼味，另外配菜仲就有一个黑松露薯蓉，黑松露好多味道亦好浓，而且个薯蓉唔会好淋，仲会咬到好多薯仔颗粒。
佢地餐厅有自己Home Made嘅甜品，跟餐加仲有7折优惠，咁就梗系要试下啦。
即制梳乎厘班戟 - 呢个梳乎厘即叫即做，上枱热辣辣香喷喷，食落好fluffy，好似食紧云朵咁，蛋味亦好香，好好食。
☕️🍵🥤🧋🍺🍷🥃🍹🧉🍾🍶🥛
饮品 - Dinner set包左一杯咖啡或茶，如果跟餐转餐牌上其他无酒精饮品亦会有半价优惠，另外如果跟餐加$50就可以转一杯红酒或白酒，大家可因应自己嘅喜好选择。
🍽环境：餐厅布置好友足球气氛，尤其系而家正正是世界杯期间，个气氛特别浓厚，餐厅内每一个位置布置得好有特式同好靓，除左挂满好多波衫外，就连地面都舖满草地，餐具亦都同足球主题有关联，睇得出餐厅嘅用心之处，我成餐饭都有不停张望去欣赏佢哋餐厅嘅布置，搞到我好忙。
🤵🏻🤵🏻♀️🤵🏻♂️服务：员工服务态度非常好，亦都睇得出佢地都好钟意足球，见到佢地同客人都有好多互动，令到成个餐厅气氛都好融洽。
💰💸价钱：今日叫左两个dinner sets，另外再加左份甜品，埋单就大约$500左右，因应返佢个set dinner都包左好多食物，质素亦都好好，加上优美嘅用餐环境同极之方便嘅地利位置，我觉得价钱都好合理。
🐲💬总结：香港以足球做主题嘅餐厅并唔多，反而西方国家会比较多，但佢地多数都系类似酒吧形式，会比较嘈吵，好似今次呢间真系可以舒舒服服坐低食野嘅西餐厅就少之又少，所以我建议大家都可以支持下。
推荐指数：❤️❤️❤️❤️❤️
是日沙律
5 浏览
0 赞好
0 留言
甘笋浓汤/蒜蓉多士
6 浏览
0 赞好
0 留言
烧谷饲牛肋排配蜜糖烧汁
$198
20 浏览
0 赞好
0 留言
香煎三文鱼柳配烧蚝忌廉汁
$208
12 浏览
0 赞好
0 留言
即制梳乎厘班戟
$88
13 浏览
0 赞好
0 留言
5 浏览
0 赞好
0 留言
张贴
