影片
更多
2011-02-05
41 浏览
我都几钟意食雪糕，夏天就唔在讲啦，冬天有时都会食。唔会刻意要食咩品牌，家常嘅就多数买Dreyer's家庭装（887ml），因为除咗有几款口味好啱食之外，质感都几幼滑，奶味唔太重，有时加鲜奶自家打制奶昔，盛夏妙饮，其次贪佢嘅价钱比较实惠啲！至于另一坊间大品牌，Haagen Dazs，甚少帮衬，虽然口味甚多，但又唔系话食落好味都不得了𠮶种感觉，只系乘著偶有优惠先会去食！而雪糕蛋糕就更加绝无帮衬，因为以前有朋友生日，佢哋以雪糕蛋糕嚟庆祝，已经试过好几次，效果唔及就咁买一球球嘅散装好食，原因系个蛋糕雪得死实，亦都系有此必要雪住佢，虽然教咗你预早几小时拎出哩摊，但一个1lb装嘅雪糕蛋糕其实都几厚身，面面位解冻OK，其实中心位仲有啲硬，如果中心位解冻OK，就轮到面面位溶溶哋，食唔出成旧雪糕嘅幼滑！今次都系亲友生日，买咗个HD雪糕蛋糕庆祝庆祝，虽然未系情人节，但因为生日主角系夫妇，所以送上一个水果系列嘅「心花怒放」，即系心形嘅士多啤梨雪糕蛋糕，1lb装$278，内馅自然系士多啤梨雪糕，再铺一层士多啤梨糖浆，加上「冰鲜」士多啤梨点缀，外型卖相非常讨好！而雪糕内都仲有士多啤梨果肉，不过唔多。一如以往经验
而雪糕蛋糕就更加绝无帮衬，因为以前有朋友生日，佢哋以雪糕蛋糕嚟庆祝，已经试过好几次，效果唔及就咁买一球球嘅散装好食，原因系个蛋糕雪得死实，亦都系有此必要雪住佢，虽然教咗你预早几小时拎出哩摊，但一个1lb装嘅雪糕蛋糕其实都几厚身，面面位解冻OK，其实中心位仲有啲硬，如果中心位解冻OK，就轮到面面位溶溶哋，食唔出成旧雪糕嘅幼滑！
今次都系亲友生日，买咗个HD雪糕蛋糕庆祝庆祝，虽然未系情人节，但因为生日主角系夫妇，所以送上一个水果系列嘅「心花怒放」，即系心形嘅士多啤梨雪糕蛋糕，1lb装$278，内馅自然系士多啤梨雪糕，再铺一层士多啤梨糖浆，加上「冰鲜」士多啤梨点缀，外型卖相非常讨好！而雪糕内都仲有士多啤梨果肉，不过唔多。一如以往经验，雪糕硬到斩崩刀，大只舅父切完都叫手软；硬度十足嘅雪糕，唔系食，系咬；士多啤梨咬落似食紧冰粒，点甜都被个冰感撼低晒，所以我唔太觉得食雪糕蛋糕是一种享受，只系一种追逐名牌感同贵气感！有得拣，我就宁愿用$278买7-8盒Dreyer's家庭装心水口味返屋企劲叹，自制七星连珠或八星报喜仲好，爽呀！
张贴
