OMG Chicken (已結業)

今日嚟咗将军澳南食饭，见到呢间炸鸡餐厅谂都冇谂就入咗去食，由于太肚饿，所以就叫咗二人餐。一开始好快就送咗个海鲜拼盘，本身以为呢间餐厅主打鸡，海鲜拼盘会冇咁高质，点知质素超乎意料之外，好有心思，以前菜嚟讲份量好有诚意，而且摆盘亦好有心思，每件海鲜都放得好靓，啱哂圣诞节同男女朋友一齐食。 蒜蓉包整得好好，啱啱焗起热辣辣，而且焗得好酥脆，不过如果蒜蓉味可以再重啲，感觉应该会更加正。 终于到招牌菜OMG烤鸡，而呢个烤鸡亦不负招牌菜之名，烧得好好，肉质保持细嫰，而且肉汁锁哂喺皮下面，一咬落去肉汁爆哂出嚟，好正。 食肉兽pizza底薄薄哋，焗得好香脆，不过最特别唔系个饼底，而系pizza上面既肉！饼底上面真系好多肉，即使系再大食既朋友，相信都一定够食，食落好满足。