影片
更多
2023-02-24
737 浏览
将美味带返屋企~ 真系超好食嘅烤鱼，而家仲回味紧~~去朋友屋企睇戏，最开心梗系一路食一路睇啦。 今次转吓口味，食外卖烤鱼，预先whatsapp拣定嘢食，准时去攞就得！ 俾$500按金就可以借埋炉，靓姐竟然帮我原炉用保鲜纸打包咗条鱼，包到滴水不漏！叫咗个【超值实惠套餐(2-3人)】$398，唔食鸡煲食，升级食$558嘅江团鱼，烤鱼可以自选四款配菜，我哋拣咗啲嗦汤汁嘅金菇、鲜腐竹、莴笋片、鸡脾菇，加埋本身有嘅芫茜同紫洋葱，多种美味集于一炉。原条烤鱼可以按个人口味选拣，有辣有唔辣。 店员话鲜、香、麻、辣嘅香辣味最具人气。 我哋就钟意花椒嘅麻香，所以拣咗【青椒味汤底】，系青花椒同鲜青椒加秘制酱汁调制，独爱青花椒，怕太辣，所以”走”咗啲鲜青椒，成个汤底正正就系我地想要嘅味道。汤底滚起，等鱼肉吸收汤汁精华就食得。呢条江团鱼足2斤，好大条，起双飞！鱼肉厚肉少骨无细骨，超爽口弹牙，外皮炸到香脆，就连鱼尾都脆卜卜可以食埋，真心俾足100分！再蘸埋花椒油一齐食，回荡麻香，鲜、辣、惹味夹杂。食完鱼就可以加汤打边炉，附送调味料有蒜蓉、芫茜、辣椒、葱、花椒油，好贴心！ 套餐有齐前菜、美国肥牛、招牌肥肠、杂饺混丸
去朋友屋企睇戏，最开心梗系一路食一路睇啦。 今次转吓口味，食外卖烤鱼，预先whatsapp拣定嘢食，准时去攞就得！ 俾$500按金就可以借埋炉，靓姐竟然帮我原炉用保鲜纸打包咗条鱼，包到滴水不漏！
叫咗个【超值实惠套餐(2-3人)】$398，唔食鸡煲食，升级食$558嘅江团鱼，烤鱼可以自选四款配菜，我哋拣咗啲嗦汤汁嘅金菇、鲜腐竹、莴笋片、鸡脾菇，加埋本身有嘅芫茜同紫洋葱，多种美味集于一炉。
原条烤鱼可以按个人口味选拣，有辣有唔辣。 店员话鲜、香、麻、辣嘅香辣味最具人气。 我哋就钟意花椒嘅麻香，所以拣咗【青椒味汤底】，系青花椒同鲜青椒加秘制酱汁调制，独爱青花椒，怕太辣，所以”走”咗啲鲜青椒，成个汤底正正就系我地想要嘅味道。汤底滚起，等鱼肉吸收汤汁精华就食得。
呢条江团鱼足2斤，好大条，起双飞！鱼肉厚肉少骨无细骨，超爽口弹牙，外皮炸到香脆，就连鱼尾都脆卜卜可以食埋，真心俾足100分！再蘸埋花椒油一齐食，回荡麻香，鲜、辣、惹味夹杂。
食完鱼就可以加汤打边炉，附送调味料有蒜蓉、芫茜、辣椒、葱、花椒油，好贴心！
套餐有齐前菜、美国肥牛、招牌肥肠、杂饺混丸拼盘、精选时菜杂锦拼盘、出前一丁同三罐饮品，三个人食，食足成晚都食唔晒，每人先系百几蚊，劲抵食！
张贴
