莆田 (美麗華廣場2期) (已結業)

好在有订位，门口已经有好多人等紧。张枱唔大，但系櫈就好大张，坐的感觉好奇怪，要就住就住，环境好嘈，要好大声讲嘢。今季主推蛏子，$198可以拣两款，咁就试下。蒜蓉蒸蛏子蛏子细细只，蒜蓉就系行货，同埋一劈嘢，有部分有沙。铁板盐焗蛏子食到个味就系盐的咸味，所谓铁板就系有个铁板载。不过唔要求得咁多，价钱反映一切。风味松鼠鱼松子系益，松鼠鱼都几大条，炸得几香，我觉得个汁都调教得啱啱好。脆皮蒜香鸡鸡系雪藏，肉系离咗骨，但系部份肉位系有血，骨有血。普洱茶有啲花香味，店员唔会成日加茶，有时见到都扮睇唔到。