板長壽司 (黃大仙中心北館) (已結業)

好多年前，板前板长寿司曾经疯魔一时，曾几何时去铜锣湾嘅板长寿司系有日本师傅坐镇，寿司质素当时系唔错分店越开越多，终于成为左其中一间港九新界遍布分店嘅寿司店。因为赶时间， 经过板长寿司见到人唔多， 反正价钱唔算贵就入去快食午餐。而家嘅板长寿司系用平板电脑落单，每张枱都有一部，全部款式都有相片参考。午市套餐前菜有菜沙律同面鼓汤，你两样系正常无特别。另外叫咗一件特价黑松露油甘鱼寿司，只须$7。＄7一件寿司系平，但系师傅切嘅鱼生片薄到穿左窿....而且呢件油甘鱼冇乜鲜味，唔系好得。角切什锦鱼生饭，蟹子新鲜，整体份量都几多， 但系细心一睇，你会发现其他鱼生嘅颜色唔系好正常。杂锦鱼生饭嘅配料有三文鱼、北寄贝、蟹子、青瓜、蛋、剑鱼饭嘅醋味偏少但仍可接受，但系鱼生嘅新鲜程度真系令人怀疑，虽然佢未去到坏嘅程度， 食落质地系比较淋同埋唔鲜味，结果我只系食咗一半就唔食啦。蟹子手卷，系呢餐饭一边比较满意嘅食物。虽然价钱系平，份量系几多， 但系讲到食生野新鲜真系好紧要，希望板长留意吓改善下前线员工做食物嘅准则。