影片
更多
2014-05-30
2034 浏览
偶然经过龙蛇混集的烟火之地-砵兰街，发现到一间颇和风既拉面店叫将军拉面 ,就入去试下,反正想食拉面!!但呢间野如果唔系去砵兰街特登去揾，系唔会知个度有间拉面店。上网揾一揾该店既资料发现唔系好多人去食过...剩系有一些报纸专栏介绍呢间由港人主理既拉面店,咁唯有顺住介绍试下佢既野食...人手拉开木门,铺仔细细,座位15张都冇,因为近黄昏时段,食既人唔多,计埋我同1个同行,都系7个客人。我地选择开放式厨房吧台前坐低,吧台上面摆左摆放了柠檬、菇、薯仔、洋葱既食材，都可以当一个装饰,叧外放左只米芝莲车胎人同摆放住播放座播电话入面既日本音乐。左边都放左将军摆设同歴史书,叫做回应下个店名啦~睇番Menu,所有拉面既名字,都用将军做名,提供盐、酱油、味噌、蒜香、咖喱等口味,价钱最平七十几,最贵都系九十蚊唔驶。小食有沙律,豆腐,煎饺子,炸鸡之类，选择唔会好多。最后我拣盐将军,同行拣左蒜将军,另外叫左个芥末炸鸡。等左一段时间,终于有得食啦~ 盐将军($76):材料有叉烧,木耳,紫菜,葱,芝麻,仲有柠檬!!系日本一D盐味拉面请你食柠檬系唔出奇既~食拉面要试下汤底先...用海盐、配合猪骨汤，再透过柠檬既酸,
但呢间野如果唔系去砵兰街特登去揾，系唔会知个度有间拉面店。上网揾一揾该店既资料发现唔系好多人去食过...剩系有一些报纸专栏介绍呢间由港人主理既拉面店,咁唯有顺住介绍试下佢既野食...
人手拉开木门,铺仔细细,座位15张都冇,因为近黄昏时段,食既人唔多,计埋我同1个同行,都系7个客人。我地选择开放式厨房吧台前坐低,吧台上面摆左摆放了柠檬、菇、薯仔、洋葱既食材，都可以当一个装饰,叧外放左只米芝莲车胎人同摆放住播放座播电话入面既日本音乐。
左边都放左将军摆设同歴史书,叫做回应下个店名啦~
睇番Menu,
所有拉面既名字,都用将军做名,提供盐、酱油、味噌、蒜香、咖喱等口味,价钱最平七十几,最贵都系九十蚊唔驶。小食有沙律,豆腐,煎饺子,炸鸡之类，选择唔会好多。最后我拣盐将军,同行拣左蒜将军,另外叫左个芥末炸鸡。等左一段时间,终于有得食啦~
盐将军($76):材料有叉烧,木耳,紫菜,葱,芝麻,仲有柠檬!!系日本一D盐味拉面请你食柠檬系唔出奇既~食拉面要试下汤底先...用海盐、配合猪骨汤，再透过柠檬既酸,清新又不太油腻,唔会好咸亦唔会酸,带小小果香...柠檬可以话提升食欲同埋有番个平衡!!
叉烧:肥瘦匀称,亦切得薄身、肉味虽唔太够,但有少少炭烧香味且酱汁香浓,易咬口,质素都可以~
面:呢个要讲一讲...今次太软淋淋,质感煮耐左唔好食~
另外一碗!!
蒜将军($80):材料有叉烧,木耳,紫菜,葱,芝麻,半只蛋,笋,同DD蒜~由于系同行拣,我剩试左汤底,少少蛋同少少笋...
汤底:有小小既蒜香,试入口唔会好重蒜味,但唔知点解有D芝士味道,几好味又唔"漏"
蛋:唔太流心,味道一般
笋:条条均衡,厚薄适中,爽口唔"鞋"口,唔错~
芥末炸鸡($34):出色!!由于将鸡翼分二成单边炸,外脆内嫩!!!十分香口,调味亦到位,唔会过咸,伴以芥末来吃,唔辣得黎更加鲜味同惹味,有画龙点睛既效果!!最紧要炸得几好,而且干爽,可以话必食既小食 ~~服务:可以加强~~~我地入黎店员冇咩反应,亦冇日语讲句"欢迎光临"//"多谢"之类既细节。另外,个水壸摆系吧台,个吧台亦高 同埋个 水壸不易察觉,客人攞起唔方便..
环境:尚算舒适,客与客之空间都叫足够,不过多人既时候可能麻烦d
等候食物时间:约15-18分钟~~颇长,(个日人客唔多,厨房有3个师父既情况下)
总体:睇到食物,菜牌选择,设计都感觉老板既诚意...汤底不错的,败笔在于面条,可能偶有失准吧..都可以再黎既拉面店!!
题外话/补充资料：
油麻地A1一出直行转右就系砵兰街
(以上食记乃用户个人意见 , 并不代表OpenRice之观点。)
张贴
