麥當勞 (已結業)

师傅早几日放饭时唔知食咩好, 咁啱醒起老麦最近推出左新产品, 就不如一试啦; 其实呢个都唔算系新产品, 皆因每年都好似会推出一次, 只不过系师傅从未试过啫, 所以入到去谂都唔使谂就柯打左个玉子将军汉堡餐!玉子将军汉堡餐有中薯条, 中汽水同埋玉子将军汉堡, 讲真老麦嘅薯条一向都受师傅欣赏, 皆因觉得薯味唔够, 是次当然仍不例外, 可幸是薯条够热, 令呢份一向比师傅有鸡肋感觉的薯条挽回少少分数; 玉子将军汉堡其实都冇咩特别, 将军汉堡加只蛋, 同猪柳汉堡加只蛋差唔多, 但当入口后就发觉个口感好唔同, 𠮶只蛋真系好滑身, 夸张少少讲师傅觉得有啲温泉蛋的感觉, 虽然食唔出有蛋香, 但滑溜嘅感觉真的令师傅十分欣赏, 同猪柳蛋嘅感觉真有天渊之别, 加上将军汉堡个酱汁惹味, 生菜丝爽口, 包身亦松软, 相比冇蛋嘅将军汉堡, 师傅就更加喜爱玉子了! 总括黎讲玉子将军汉堡嘅水准不俗, 加上唔使经常有得吃, 所以师傅都加多少少分比佢, 而服务同地方就一如正常嘅老麦咁冇咩特别, 价钱就普通, 廿几蚊一个餐, 接受到啦! 讲到尾师傅始终最钟意系老麦嘅黑椒汉堡而非将军汉堡, 不过喺黑椒未蒲头前, 配上玉子嘅将军