影片
更多
2014-05-23
7343 浏览
旧年年初，细妹请食生日饭，就喺晌喜记蟹将军，不过就喺尖沙咀国际广场店，仲记得当晚一家人食得好滋味，个「开心套餐」真抵，食到捧腹而回 。今趟嚟到铜锣湾店，席间朋友生日，虽然讲明唔喺生日饭，都顺祝一句生日快乐啦！喜记由「避风塘炒辣蟹」扩展至「蟹将军」，其实，已一早悄然起革命 。一室红黑配衬，较带中国色彩，但保持中高档次格调，无咁酒楼格局。大中细圆枱，人多人少嚟都无问题，个人就较钟意另一边二人或四人方枱，比较静局，骚扰度低，而且配置梳化椅，让人坐起嚟舒服得多，加上天花挂有数个「雀笼」吊灯，更添特色 。小弟为人最怕烦，是夜搞手已度好所有菜式，所以，成晚都食得轻松，可以好好享受眼前美食！ 蓝梅山药 先以两个风味小食热热身，第一个「蓝梅山药」，本身嘅配搭及卖相，都创意十足。山药即喺淮山，平时煲汤见唔少，都喺一片片，依家切成条状，入口爽爽哋，再淋上鲜甜蓝莓酱，估唔到个配搭都OK㖞，再者，山药有助消化、健脾益胃，喺一道有营冷盘 。 当归冰镇鹅翼当归遇上鹅翼，唔知会产生咩化学作用，不过，试过之后，鹅翼冰凉爽快，但当归味唔重，火花唔算好大。 招牌将军令 以位上嘅「招牌将军令」，巨型炸
一室红黑配衬，较带中国色彩，但保持中高档次格调，无咁酒楼格局。大中细圆枱，人多人少嚟都无问题，个人就较钟意另一边二人或四人方枱，比较静局，骚扰度低，而且配置梳化椅，让人坐起嚟舒服得多，加上天花挂有数个「雀笼」吊灯，更添特色 。
小弟为人最怕烦，是夜搞手已度好所有菜式，所以，成晚都食得轻松，可以好好享受眼前美食！蓝梅山药
先以两个风味小食热热身，第一个「蓝梅山药」，本身嘅配搭及卖相，都创意十足。山药即喺淮山，平时煲汤见唔少，都喺一片片，依家切成条状，入口爽爽哋，再淋上鲜甜蓝莓酱，估唔到个配搭都OK㖞，再者，山药有助消化、健脾益胃，喺一道有营冷盘 。
当归冰镇鹅翼当归遇上鹅翼，唔知会产生咩化学作用，不过，试过之后，鹅翼冰凉爽快，但当归味唔重，火花唔算好大。
招牌将军令 以位上嘅「招牌将军令」，巨型炸蟹钳座晌大量金蒜之上，犹如军令如山咁架势 。蟹钳质感鲜甜爽弹，啲金蒜炸得香脆不油，仲带几分辣劲，惹味非常。事后讲起，正值店方做紧推广令，每只都只喺卖$68，认真抵食 。
豉椒炒蚬 未炒蚬，最紧要令啲蚬吐沙，否则炒得点好都嘥料，喜记晌依个步骤无偷懒，小弟一粒都食唔到有沙。炒蚬属中辣程度，蚬肉都够饱满，吉壳唔多，只喺咸咗少少 。
椒盐双拼（九肚鱼拼鲜鱿） 揾九肚鱼同鲜鱿做椒盐，一向都大把捧场客，依家一客就试匀两味，最好不过。据店长介绍，除蟹及濑尿虾外，依道菜喺镇店三宝之一，果然够火喉，脆浆够薄，九肚鱼入口好滑，鲜鱿则软绵绵，晌依个成日讲健康嘅年代，椒盐味道恰到好处，咸香唔过火位，明显少盐咗 。
黑松露菠菜汁鲜蟹钳 单单菠菜汁鲜蟹钳已有卖点，加埋黑松露片，立时矜贵不少。鲜蟹钳肉质鲜甜，带点菠菜香，剩余嘅菠菜汁可当汤饮，唔会嘥，不过，蟹钳有啲煮过笼，出现少少嚡嘅情况 。此外，对上3道菜都喺味浓之物，显得依道鲜蟹钳有啲「寡」嘅感觉。
鲜蟹肉蒸酿冬菇 每个冬菇都酿满鲜蟹肉，蟹肉非常几多，入口软绵，而冬菇大只厚肉地，淋上蟹肉茨汁，相当不俗。
浓汤云耳鲜茄田园蔬菜云耳、鲜茄、黄牙白，配个浓汤底，简单嘅组合，嚟得清淡健康，食咗咁多浓味油炸嘢，都喺时间清清味蕾。
金牌牛肋骨 其貌不扬嘅牛肋骨，绝对值得俾个金牌佢，据介绍个做法喺以美国牛肋骨先炖后炸，所以，表面脆脆，但肉质松化，一啖有两重口感 ，再配个以牛骨推成嘅蒜蓉汁，香气四溢 。人少嚟当然有散叫，眼前份量喺两个例牌。
招牌蟹油炒面 之前晌尖沙咀店都已经食过一次，感觉相当唔错，就算抄番上次个评语都相差无几。面条炒得够干身，除银芽、韮菜，面头一层自家炒制嘅蟹油蒜蓉喺灵魂所在，既惹味，又鲜香，辣味仲会慢慢渗出嚟，有个性 。
鲜蟹肉蚝仔泡饭 谂住个蟹油炒面够招牌啦，点知另一道鲜蟹肉蚝仔泡饭亦都出色。鲜蟹肉粥底本身已够鲜甜，加埋饱满蚝仔，鲜味加倍，再滔入脆炸米粒内，口感丰富，鲜香有层次 。
香滑流沙包 见到甜点登场，就知去到尾声。先嚟一大笼香滑流沙包，热辣嘅流沙包，必然要趁热食。搣开包心，咸蛋奶黄馅泻出乱窜，绵溜富奶香，包身又松软，正呀 ！
杨枝甘露第二道甜品喺杨枝甘露，虽然柚子饱满，但略嫌佢奶味较重，芒果味失衡，多啲芒果汁应该效果理想好多。
杞子桂花糕 同场加映嘅杞子桂花糕，色泽琥珀，外观晶莹剔透，最啱心水喺唔太甜，而且，几有桂花香味。
整晚菜式多样化，冷盘、小炒、热荤、蒸酿……样样皆有，试到师傅做菜唔同技巧，功夫相对扎实。而且，两道蟹钳菜式，加两道蟹肉菜式，及一味蟹油炒面，唔做亲手拆蟹，都品尝到蟹嘅滋味 ，方便好多。当然，菜式配搭或出菜次序仍有少许改善空间，但个人而言，已觉得甚具水准，就算唔喺嚟庆生，都值得同朋友过嚟一试啦！
题外话/补充资料：
补充一句，两款蟹钳正值做紧推广价，而个招牌蟹油炒面及杞子桂花糕喺额外送嘅，「平均每人消费」亦未包酒水，因为酒水嘢可大可少，计埋难作参考。
(以上食记乃用户个人意见 , 并不代表OpenRice之观点。)
张贴
