金田家 (已結業)

将军澳中心近排翻生完毕就行下街睇下有咩新餐厅啦! 同朋友行到大约两点半左右，就开始揾嘢食，果然不负我所望开左一间新既日本拉面店! 见到有间拉面铺门口有人排队，走过去望下餐牌，觉得都啱食所以试下。餐厅装修风格，跟我从电视看到的日本拉面店差不多，半边卡位都算阔落。 餐牌系用填纸式落单，可以选择面身嘅软硬度，葱同蒜既分量海老饺子表皮炼煎得够香脆，烧汁方面比起平时食开嘅烧汁相对冇咁甜， 由于汁嘅份量唔多所以我觉得味道方面啱啱好。黑豚拉面有豚骨汤,黑豚叉烧,木耳,紫菜,青葱。呢个系食肉兽嘅首选， 上到枱有点吓咗一跳， 满面有烧黑豚叉烧， 块块都一样厚身， 块块豚肉都够入味， 够淋， 豚肉应该系用五花腩嚟做成， 肥瘦适中， 猪骨汤底味浓，够热， 面身浸咗一段时间都唔会太淋。我朋友就叫左辛子黑蒜拉面有豚骨汤,腩肉叉烧,自家制黑蒜酱,木耳,紫菜,青葱,京葱。中意重口黑蒜既朋友仔一定要叫依个!而且腩肉叉烧半肥瘦刚刚好。2碗拉面再加唐心蛋先至系真实食梗既拉面! 再另追加黑豚叉烧同腩肉叉烧, 真系食到lam lam 俐!!!最后叫左姜汁柚子同巨峄乳酸梳打饮!