御名園 (已結業)

中秋节同屋企人嚟做节，贪佢近近哋，食物又唔错。气氛舒适唔会太嘈，啱晒倾计。每枱都会有前菜，虽然要收费，但系真系几好食，系海苔果仁，脆卜卜又好香紫菜味。 经理推介炖汤，原来每一期都做紧唔同嘅优惠，今日就有鲜玉竹沙参炖水鸡，48蚊一位，汤头好清甜润喉，养生健康。做节梗系要有啲名贵菜式，呢度就好多选择 ，点左四头鲍鱼都系98蚊一位，真系抵食。 鲍鱼都几大只，要用刀叉食，鲜甜入味， 加埋个花胶鹅掌煲，够晒节日气氛。上汤金虾鲜竹浸菜苗，白菜仔吸收晒上汤嘅鲜味，我觉得个上汤有少少鱼香，同平时有啲唔同，特别鲜甜。