大灰熊廚房 (裝修中)

今日去完将军澳海边行完donki，行行下经过见到呢个未行过去商场，望一望原来就系换身份证果度黎，见到入面有间中餐小菜馆，就试下佢啦。望落餐牌都系比较家庭式既中餐，而且价格唔贵，仲有二人餐同四人餐，几适合一家大细黎食。拔丝咕噜肉 $118平时去亲小菜馆都一定系会叫咕噜肉黎食，呢个咕噜肉既糖醋汁唔会太酸，好好送饭，外层松脆，带有少少拔丝既感觉，值得一试。马来咖哩牛腩 $138马来咖哩既特色就系辣而香，而佢地既咖哩的确可以做到香辣既感觉，配一碗白饭真系无得输。牛腩煮得好淋身入味，仲有几旧牛筋，两个人share岩岩好。凉拌青瓜 $38因为之前我地食两道菜都系比较浓味，叫返碟比较清既凉拌青瓜balance下，感觉比较清新。青瓜加左少少醋，都几开胃。