亞泰

营业中

休息中

亚泰最近康城新开的商场有唔少食肆，成为左将军澳人既新宠。今次黎试下泰菜。我们叫左：-大头虾冬荫功-飞天通菜-招牌蛋咖哩蟹肉枕头包-炒金边粉睇到冬荫功既汤头就觉得开胃，呢度的冬荫功汤味道平衡得非常好。你会食到佢落左好多青柠汁，好香柠檬味，但唔会觉得只有酸味，呢个汤好有层次，只虾大只有膏，虾味唔错。以前都有食过咖喱枕头包，食多左都比较腻。亚泰呢款个包焗到香脆，蘸埋香浓既咖喱汁、微甜唔辣，加上劲多鲜味蟹肉，真系回味无穷，食唔停口。有齐唔少香口材料既金边粉，甜、酸、咸、辣共冶一炉，加上鲜榨的青柠汁，更添层次，令人食指大动。飞天通天睇落以为好浓味，但其实食落无咩重酱料味，菜仲好鲜甜，唔会炒到黄晒无口感。