和將居酒小廚 (已結業)

平时唔算太多机会去到将军澳，难得今日经开将军澳𠮶边，就同朋友发掘下有啲乜嘢新餐厅啦！今次嚟到呢个位于将军澳唐俊街The Parkside Mall和将居酒小厨 试一试先～佢哋食物餐牌有唔同类别，分别有日式串烧、刺身、佐酒小食、食事、其他类别。今次点咗 ：日式 串烧拼盘 （牛肋条、鸡肉、帆立贝、日本青椒仔、翠玉瓜）刺身 三点盛 （甜虾、带子、三文鱼）佐酒小食 拼盘 （日式饺子3只、炸章鱼丸3粒、芝麻鸡翼2只）、日式芝士蛋糕 、密瓜梳打、提子梳打。首先讲吓佢哋环境旺中带静，靠住地舖窗边可以见到出边嘅风景，几适合同朋友慢慢坐低饮吓嘢倾吓计。由于当日我同朋友主要系点小食为主，想试多啲佢哋嘅串烧炸物，我哋选咗嘅都系拼盘为主，因为比较方便有齐啲嘢唔使自己选择其中我自己好钟意食佢嘅芝麻鸡翼，因为佢个外皮炸到几脆卜卜，仲要热辣辣咬落去口感唔错 另外大家都可以试吓佢哋嘅刺身，因为始终食咗啲热辣辣比较热气嘅嘢再食返啲凉两地嘅刺身，成个感觉中和返冇咁热气～