御名園 (已結業)

将军澳嘅茶楼有好多，包括半岛渔港、稻香茶居、豪宴荟、翠园、海港、潮庭、誉居、初心等。住了在将军澳二十多年，作为街坊基本上都吃过了，在众多茶楼中，御名园是我的私心推介。点心精致好食，款式亦有好多，其中我最钟意食嘅系沙姜猪手同手磨红米银萝肠粉。基本上饮茶人均约$100。今日要同大家介绍嘅系佢嘅晚餐，御名园位于天晋汇，可能因为位置偏僻咗一啲，所以晚市一般黎讲都只系坐咗一半坐位，因为人唔算多，所以服务亦非常好，茶水一饮完，侍应就即时refill，上菜速度都非常之快，试过落完order几分钟已经开始上菜。晚餐必点推介系佢嘅陈皮脆香烧鹅皇，陈皮味浓郁，份量非常多，一拎上黎热辣辣，可以媲美长途跋涉去深井食嘅烧鹅，皮脆肉嫩，我食咗咁多次都从未失过手，次次都一样好味反而系佢嘅乳鸽唔系次次都可以保持水准，有时好食，有时就一般，二选一就一定食佢嘅烧鹅。蜂蜜柚子脆虾球系另一个必食推介，虾球系炸完再淋上蜂蜜柚子酱，一食落口满嘴都系柚子嘅清香，酸酸甜甜，虾表皮脆口，入面弹牙，一口落去满口都是虾肉大满足呢个金奖虾酱海珊骨系佢地铺头嘅攞奖之作，不过我就觉得略咸，所选用嘅肉亦都偏肥，可能因为食咗烧鹅同乳鸽，食到呢一道菜