OMG Chicken (已結業)

前两日去将军澳行咗转Donki，行完Donki梗系要食嘢啦，附近都好多食物，有间烤鸡店，环境唔错，餐厅嘅设计带有一点旅游风，令我想起呢段时间冇得去旅行，不禁带有一点伤感，还好美食当前，令我暂时放下这一点伤感。川味麻辣烤鸡 $98/4pcs麻辣烤翼有两件鸡髀，两件鸡全翼，鸡翼好似用烧烤汁烤过咁，香气比较突出，唔会干身，有烧烤汁嘅味道，但系鸡皮保留香脆，鸡翼入边充满着肉汁，咬落去嘅时候肉汁都流出嚟。川味麻辣酱另外配上，麻辣酱酸酸甜甜，唔会好辣，同烤鸡又几衬，几特别。玛格丽特 $78自己本身好钟意食pizza，玛格丽特就算系最经典嘅选择，一定要试一试。芝士同蕃茄嘅配搭，可算系经典中嘅经典。芝士咸香，加上蕃茄嘅酸甜，两者混合得天衣无缝。卡邦尼 $88咁大个人，未见过有卡邦尼嘅Pizza，咁就梗系要叫一个试吓啦。卡邦尼上面嘅芝士同菇类有好多，咬落去，口腔充满着芝士同菇味。卡邦尼嘅材料配上Pizza，都几夹，个人觉得呢个仲好食过平时啲Pizza。