新麻蒲 BBQ (東港城) (已結業)

难得今日同mami一齐放假，就请mami 去食饭。mami话想食烧烤，所以就去左依间新麻蒲BBQ下。一睇memu, mami已经即刻话要食特级午市套餐，话未试过护心肉。见佢好似唔系好多肉，怕两人唔够食，所有叫多一个海鲜嫩豆腐锅。因为特级午市套餐：依个特级午市套餐只有4种肉，每种2至4块，原本怕唔够饱，但原来有配一个汤同个饭。佢果4种肉包括牛霜降肉，牛肋排，五花肉同埋护心肉。五花肉多油脂，一开始用佢起镬出油，脂同肉既比例各半，又香又滑。正牛霜降肉，脂肪既雪花样分布得好靓，入口好嫩滑。牛肋排肉味浓郁，肉质比较实但唔会韧。mami第一次食护心肉，佢话肉质比霜降实，有点爽口，但比肋排嫰，肉味重，好食。只食肉未必够饱，但连埋下面个汤同饭就绝对够饱。因为怕唔够饱所以叫多左一个海鲜嫩豆腐锅。依个锅有虾，蛋，青口，金菇等等，有少少辣，好野味，捞埋白饭一齐食，好正。提一提大家，佢既配菜系任添，炉边蛋同生菜都系任添。