台北車站 (已結業)

地址－台北车站将军澳贸业路8号新都城中心一期地下G25号舖💋干煸法国长豆，见到餐牌有呢碟𩠌即刻叫黎试下，睇下法国长豆有咩分别，一上碟就见到好大碟下，份量好足，食落长豆都几清脆可口，虽然有干煸过，但都保持到翠绿的颜色，唔错，呢碟佢附上大量肉碎一齐去炒，加埋少量辣椒，食落辣辣地，好正。💋烟熏章茶鸭(半只)，呢只鸭都几大只，以为佢系烟熏过会好干，但又唔会㖞，食落仲有唔少肉汁，做到皮脆肉嫩的效果，佢食落虽然咸咸地，但都唔会盖过有种淡淡的茶味，唔错。💋卤肉饭，之前2碟小菜都偏咸，都要用白饭黎中和一下味蕾，我地咁岩见到加$5就有卤肉饭，当然唔会执输啦，即叫！佢D卤肉份量唔少，完完全全地盖过晒D饭，D肉食落都肥瘦均匀，配埋D卤水汁，基本上唔使食其他，味道都好足够。💋朱古力珍珠奶茶及冷泡乌龙茶，佢杯朱古力珍珠奶茶的朱古力味好浓郁，又饮得出淡淡的奶香味，配埋QQ的珍珠口感，层次丰富，正！而佢支乌龙茶茶味香浓，解腻作用一流。