Lardos Steak House (已結業)

 家住观塘，如果想食好西，偶然都会谂起Lardos，因为佢既牛扒同青口，都系我既至爱。平时去Lardos都系食夜晚，今日放闲日，于是就试下晏昼黎食午餐，估佢唔到，午市套餐都有牛扒餐叫，价钱更实惠，咁梗系叫番份叹下。先黎餐汤同面包，汤系杂菜汤，虽然唔系忌廉汤，但一d都唔输蚀，够味、足料；餐包亦够香够脆，唔错。Lardos既牛扒一向都做得好好，面层有焦香，入面仍保持嫰滑，呢个唔驶多作介绍；我反而想讲下伴碟既薯波，系用薯仔搓成蓉，然后加调味去炸，食时仲有少少薯仔粒，好有口感，好好味，睇得出厨师花过心思去做。Lar青口亦系我响Lardos既飞佛，所以今次都加钱另叫，平时会叫cream sauce，个汁香滑带酒味，最钟意用黎点面包食，正到可以加面包疯食；不过今次阿妹唔like忌廉，就叫左清酒味，感觉上个汁较普通，不过青口一样好嫰，一口一只，无渣，都好味！顺带一提，呢度既服务都唔错。话说我个三岁姨甥食食下饭扭计发老脾，喊到拆天，侍应立即送杯fruit punch俾佢，一饮立即止喊，果然好计。