麻辣娘子 (新都城中心) (已結業)

麻辣娘子喺将军澳区开咗都一段时间，都未有机会去试，所以决定今日放工之后同朋友一试究竟。而家多咗好多食川菜嘅餐厅，主要都系酸菜鱼比较出名，所以我哋都决定试下呢度嘅招牌菜酸菜鱼，我哋两个女仔食咁当然系叫咗细份啦，但点知一端上枱嘅时候，我都比个份量吓亲，因为真系超多超多超多鱼，由于餐牌上冇写酸菜鱼入边有咩配料，所以唔知道原来入边都有好多配菜，包括莴笋、豆卜、芽菜同埋超多宽粉。每一样配菜都非常出色，鱼肉超少骨，分量超多，宽粉非常烟韧好饱肚！我哋另外嗌多咗个小菜系娘子小炒皇，超够镬气，超好食，入边有虾干、腰果、韭菜花、鱿鱼须、虾球同埋猪肉，呢个菜式真系超级推介，相信我下一次嚟到一定会再encore ！至于钟意食蒜泥嘅朋友记住都要试吓呢度嘅蒜泥白肉，因为餐厅将蒜蓉磨到超幼细好creamy ,而且白肉分量亦非常之多,辣油都唔算太辣,以我一个唔太食辣嘅女仔嚟讲都应付得到。餐厅同隔离阿里山茶饮系同一间铺头,所以餐厅菜单都可以拣埋阿里山嘅饮品，我哋分别拣咗芝士奶盖炭烧乌龙奶茶同埋芝士奶盖黑糖珍珠鲜奶，只能说两杯都非常出色，芝士奶盖非常之口，而且非常浓郁，黑糖珍珠非常入味，而且非常烟韧，系一个非常好嘅配搭，