初心

营业中

休息中

位于将军澳唐俊街嘅❣︎初心❣︎鸡煲火锅任食放题，平日星期一至四只需$298咋，仲要任饮醇滑嘉仕伯啤酒😍，冇酒精饮品都系任饮架，性价比真系好高👍🏻呢到环境舒服，座位宽敞，地方又干净，超推荐呀🩷❣︎头盘会有5款小食❣︎(可追加）啲小食好高质，绝对冇hea你，麻辣鸭血麻辣味浓郁，鸭血口感扎实👍🏻椒盐三文鱼头腩，入口仲暖架😋炸得好香口惹味。❣︎三文鱼刺身❣︎(一客)一大盘冰底上，有埋插花装饰，够晒诚意😍❣︎招牌鸡煲❣︎(可追加）可以拣辣道，啲鸡整得好嫩滑😋，仲有猪皮同支竹做配料👍🏻索晒啲酱汁，非常惹味，超正👍🏻❣︎火锅汤底❣︎有成十款选择，我地拣左澳门猪骨锅，用一个宫廷设计嘅锅上😍霸气十足，入面有两大旧猪骨，粟米同胡椒，底汤超足料，用佢来打边炉已经好够味，唔需要沾酱料都得。❣︎环球海鲜拼盘❣︎内有海虾，大鲍鱼，广岛生蚝，龙趸件，翡翠螺，海蚬，全部都好新鲜😋食到呢到已经觉得超值回票价。❣︎火锅配料❣︎佢会比一堆火锅配料你先，安格斯牛小排同黑豚肉都唔错，入口软嫩有肉香，有成五十几款火锅配料比你无限追加😋👍🏻啲配料都好有水准架，仲有我至爱嘅鸡子添👍🏻食饱之后每人仲会有糯米糍甜品享用。