大灰熊廚房 (裝修中)

今日去咗探住喺将军澳南帝景湾嘅朋友，两个女仔想食吓住家菜，就试咗帝景湾屋苑入面一间叫「大灰熊厨房」嘅中菜馆食饭。餐厅入面嘅装修干净企理，堂食嘅食客唔算多，反而好多外卖嘅订单，应该主要做附近住户嘅外卖生意。我哋嗌咗柚子单骨鸡翼、蕃茄肉片汤、鱼香茄子同蕃茄炒蛋加午餐肉，成餐饭充满住家菜嘅味道，单骨鸡翼食落去有柚子酱嘅甜酸味，鱼香茄子炒得唔算油，蕃茄汤落唔似落咗味精，蕃茄炒蛋嘅炒蛋亦都炒得好暖而蕃茄都算甜。整体嚟讲，呢间餐厅喺将军澳南区比较少见嘅中菜餐厅，如果喺附近食西餐食到厌嘅话都可以嚟食吓。📍将军澳唐贤街23号帝景湾商场1楼34-35号舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊整体CP值：🍊🍊🍊🍊