湯•米 (已結業)

一开始见到个名以为系食米线，后来先发现系一人一锅🤣，仲要有台式饮品🥤，另外有海鲜配料可以加，不过咁啱当日嘅鲍鱼卖晒。药膳䐁肉锅配粉丝 $96有红枣、杞子、虫草花药材，即刻感觉自己呢餐养生又健康🤣🤣，粉丝吸收晒汤底嘅精华，饮埋汤就刚刚好。招牌臭臭锅配粉丝 $98小辣嘅辣度刚刚好，虽然叫臭臭锅但气味上接受到，汤底好浓郁，配菜配上汤汁都好惹味。台湾夜市小香肠 $32份量唔多但胜在价钱平，抵食好有台湾夜市入面小香肠嘅感觉。海虾3只 $25新鲜爽口又弹牙。花螺8个 $28呢个价钱食一人锅可以加到花螺真系好正🤣芝士金凤茶王（走糖）$35朋友最近手摇都转走糖，因为有芝士奶盖，所以即使走糖都够甜度。芋香珍珠奶茶 $28唔知点解变咗朱古力珍珠奶茶🧋，但味道又意外地唔错，所以无特别再换。