台北巷弄 (已結業)

将军澳越来越多台式餐厅，今次试试新开既台北巷弄，主打台式便当。餐厅以蓝色为主调，入面只有六至七个位子，所以我决定外卖。餐单入面都系啲耳熟能详嘅台湾食物，估唔到嘅系饮品选择几多。等左五分钟就拎到外卖，速度非常快。- 手切卤肉便当猪肉切成丝条，半肥瘦够稔，饭唔会过黏。饭面上除左卤肉，仲有菠菜同腌椰菜丝。腌椰茶丝平衡返卤肉既味道，吃晒成碗都不觉腻。如果再多啲酱汁就正。- 台式排骨便当排骨好大块，肉质松软，调味唔会过咸。入面一样有卤肉饭、腌椰菜丝同菠菜。- 盐酥鸡返到屋企一打开外卖盒仍然有阵热气涌上黎，盐酥鸡分量几多，味道不错，唔会好油。- 仙草1号系仙草冻芋圆其中一款，入面有仙草冻、椰果同手工芋圆。仙草冻滑溜，芋圆有三款，以紫薯味最突出，充满颗粒感。- 冬瓜柠檬🍋甜度适中，味道不会过酸，解渴一流。- 红豆一号入面有红豆汤同手工芋圆，颜色有少少不讨好，不过有我最钟意既紫薯芋圆！总结今餐，卤肉饭有水准，甜品系餐厅特色之一。