影片
更多
2016-11-29
3947 浏览
今日有屋企人生日，早排行popcorn经过见到呢度有间好似几多野食嘅烧肉餐厅，于是决定入黎试下。价钱198+1一位，一行六人，入到门口经理已经好好人咁问我地想要一个炉定两个炉，我地想坐得松动啲，而且果日餐厅唔系太full，经理就俾左张八人台我地。入到去即刻睇下有咩食先！入面有冷盘区，炸物区，热荤，冻肉柜，甜品区同dreyers雪糕任食，款式都算好多呀，热盘数量拍得住酒店宵夜buffet呀！冷盘有三文鱼，立鱼，呑拿鱼，八爪鱼同北寄贝刺身，仲有寿司，迷你沙律吧，冷乌冬同冻虾炸野选择都好多，炸多春鱼，麦乐鸡，韩式炸鸡，薯条，炸鱼块等等热盘方面大约有十几款，因为冇试到全部，所以唔系好记得，有牛腩啦，蕃茄猪扒饭，银针粉，炸猪手，仲有男人的浪漫同蚝仔粥㖞！汤方面有罗宋汤同人参鸡汤，入面真系有一支支人参绝无揸流摊。整体热盘味道ok ，虽然冇食到好多，不过感觉上餐厅有用心，绝对唔系摆几味系度充撑场面。所以如果一家大细黎聚会，老人家唔太钟意食烧野，净系食热荤都完全够饱同够选择。戏肉烧肉呢，我个人非常满意，我最怕啲任食韩烧腌到啲肉好浓味(可能系为左掩饰啲肉唔新鲜)，食完都唔分唔到自己食紧乜，反而呢度啲肉唔
价钱198+1一位，一行六人，入到门口经理已经好好人咁问我地想要一个炉定两个炉，我地想坐得松动啲，而且果日餐厅唔系太full，经理就俾左张八人台我地。
入到去即刻睇下有咩食先！入面有冷盘区，炸物区，热荤，冻肉柜，甜品区同dreyers雪糕任食，款式都算好多呀，热盘数量拍得住酒店宵夜buffet呀！
冷盘有三文鱼，立鱼，呑拿鱼，八爪鱼同北寄贝刺身，仲有寿司，迷你沙律吧，冷乌冬同冻虾
炸野选择都好多，炸多春鱼，麦乐鸡，韩式炸鸡，薯条，炸鱼块等等
$198
142 浏览
2 赞好
0 留言
戏肉烧肉呢，我个人非常满意，我最怕啲任食韩烧腌到啲肉好浓味(可能系为左掩饰啲肉唔新鲜)，食完都唔分唔到自己食紧乜，反而呢度啲肉唔会太浓味，调味恰到好处。推介护心肉，一口牛，同香草五花腩，肉质好新鲜！不过唯一令我有啲失望嘅就系，呢度竟然冇我最爱嘅肠仔食，得芝士肠同红肠，如果有厨师肠就真系完美。
甜品选择唔太多，不过算啦，食烧肉同食酒店自助餐唔一样，我唔会特登留肚食甜品。我记得就有啫喱，奶冻，布甸，芝士蛋糕等等，仲有朱古力喷泉同几款生果，雪糕系dreyers有三种味，朱古力，cookie n cream同士多啤梨，口味唔多但toppings好多你真系估佢唔到，台式珍珠同小丸子都有
总括黎讲食物:选择多，照顾到唔同口味嘅人，不过都系果句:我要食肠仔！
衞生:唔觉得有大问题，冻肉柜温度合格，唯一要挑剔嘅系，2个雪糕"不"用个鐡杯装住，时间耐左鐡杯啲入面水会变成奶白色，有啲核突，如果用好似酒店果只不停流水换水嘅筒装住雪糕“不”会好好多
环境:干净阔落，完全冇油烟，因为烟向下抽，果日著皮褛去，冇吸到任何烟味
服务: 自助形式，冇乜点接触职员但起码有求必应，要求换炉网亦十分乐意，职员仲主动帮我地换晒两个网(当时只要求换一个)
张贴
