漁釧 (將軍澳中心) (已結業)

依加开番晚市就紧系要出去食下饭，今日经朋友介绍去左依间位系将军澳中心嘅日本菜。大大个灯笼系门口非常显眼，入面装修系复古居酒屋feel。餐牌好多选择，最后我地叫左特盛酱油浓鸡白汤拉面、极盛四色刺身丼、烧日本鱿鱼一夜干、烧豚肉苹果串。值得一提上菜好快，特盛酱油浓鸡白汤拉面第一样上台，亦系我最中意嘅菜式！好多唔系专做拉面嘅店都唔太好食，但系依个拉面真系要一赞！白鸡汤浓郁而不油腻，叉烧分量好足，糖心蛋系整整一只！完全可媲美专营拉面嘅店舖，价格亦好合理，十分推荐！极盛四色刺身丼里面有中拖罗、带子、吞拿鱼蓉、赤虾，刺身都好新鲜，特别系中拖罗十分好食，厚度唔系系好薄，分量足够，十分满足。依道串烧我觉得系走创意路线，烧豚肉同苹果地夹，苹果好甜，有机会可以试埋其他创意串烧。