影片
更多
2024-12-12
466 浏览
太子人气Cafe Owens竟然开到将军澳！喺太子附近已经食过几次，估唔到可以喺屋企附近㖞，梗系要来探店啦！Owens 延续温馨小清新风格，沿用木系温暖颜色设计，午餐晚餐依然系高性价比，仲有唔少特色甜品可以选择。意式白酒煮蚬蚬肉相当鲜甜，白酒味道香浓，个人都几钟意，值得一试！芝士蒜蓉双拼焗生蚝🦪二人晚餐可以选择焗生蚝做餐前小食，而且仲可以芝士蒜蓉两个口味双拼😝香草烧羊架🐑我哋叫咗七成熟嘅羊架，切开有肉汁，色泽好靓，肉质鲜嫩，加上烧汁就啱啱好啦。龙虾汁虎虾阔条面🦐阔条面用咗龙虾汁，味道好香浓，虎虾都好大只，几惹味，整体嚟讲都唔错。我最期待嘅系甜品，嗌咗伯爵茶卷蛋以及开心果麻糬提拉米苏。卷蛋松软，伯爵茶味浓郁，亦都唔会太甜。开心果提拉米苏超足料，表面洒上大量开心果碎，口感扎实，入边有麻糬烟烟韧韧，多重口感😋最平$408二人晚餐性价比高，有齐晒前菜、小食、主菜、饮品同甜品，好简单就可以解决「今晚食乜」呢个问题，选择又丰富，唔怪之得见到好多街坊都落嚟帮衬🤪
意式白酒煮蚬
蚬肉相当鲜甜，白酒味道香浓，个人都几钟意，值得一试！
芝士蒜蓉双拼焗生蚝🦪
二人晚餐可以选择焗生蚝做餐前小食，而且仲可以芝士蒜蓉两个口味双拼😝
香草烧羊架🐑
我哋叫咗七成熟嘅羊架，切开有肉汁，色泽好靓，肉质鲜嫩，加上烧汁就啱啱好啦。
龙虾汁虎虾阔条面🦐
阔条面用咗龙虾汁，味道好香浓，虎虾都好大只，几惹味，整体嚟讲都唔错。
我最期待嘅系甜品，嗌咗伯爵茶卷蛋以及开心果麻糬提拉米苏。卷蛋松软，伯爵茶味浓郁，亦都唔会太甜。开心果提拉米苏超足料，表面洒上大量开心果碎，口感扎实，入边有麻糬烟烟韧韧，多重口感😋
最平$408二人晚餐性价比高，有齐晒前菜、小食、主菜、饮品同甜品，好简单就可以解决「今晚食乜」呢个问题，选择又丰富，唔怪之得见到好多街坊都落嚟帮衬🤪
张贴
